ل شێخان 40% بایومه‌ترى هاتيه توماركرن
شێخان،بارزان مزوورى:
به‌یار حازم،سه‌رپه‌رشتێ بنگه‌هێن شێخان یا كومسیونا هه‌لبژارتنان ل پارێزگه‌ها نه‌ینه‌وا بۆ ئه‌ڤرۆ نیوز گۆت: ل سنورێ قه‌زا شێخان 40% بایومه‌ترى بۆ وه‌لاتیان هاتیه ئه‌نجام دان ب رێكا پێنج تیمێن گه‌رۆك بۆ وان گوندێن ده‌روبورێن شێخان و فه‌رمانگه‌هێن شێخان و خوێندنگه‌ها و ئاگه‌هداركرنا وه‌لاتیان ب رێیا مزگه‌فتا هه‌تا شیاین ڤێ رێژێ بایومه‌ترى بۆ وه‌لاتیان ئه‌نجام ده‌ین.
ناڤهاتى خویاكر ل سنورێ لقێن مه یێن كومسیونێ 46 هزارۆ 465 كه‌سا ناڤێن وان توماركرینه به‌لێ 40% وان ناڤان بایومه‌ترى یا ئه‌نجام داى لدوڤ ڤێ رێژێ ل ده‌نگدانێن هه‌یڤا چار دا یا بهێت دێ زیان مه‌زن ژلایێ ده‌نگده‌راڤه ب لایه‌نێن سیاسى یێن كوردى بكه‌ڤن ژبه‌ركۆ رێژا هه‌ره مه‌زن یا ده‌نگده‌رێن قه‌زا شێخان كوردن لدوڤ زانیاریێن گه‌هشتینه مه كۆ ل رێكه‌فتى15/10/2019 ده‌رگه‌هێن بنگه‌هێن بایومه‌ترى دهێت داخستن ده‌نگێن وان هه‌موو كه‌سا دهێن سوتن یێن بایومه‌ترى ئه‌نجام نه‌داى.
ناڤهاتى گوت: د نها دا كارتێن نێزیك هزار پێشمه‌رگه‌یا یێن بومه هاتین هه‌تا نها نه‌هاتینه كارتێن خۆ ب رێكا رۆژناما ئه‌ڤرۆ داخاز ژ وان پێشمه‌رگه‌یا دكه‌ین بهێن كارتێن خو یێن ده‌نگدانێ وه‌رگرن به‌رى ده‌رگه‌ه بهێت گرتن.