ل شەڕێ گوندێن (كوچۆ و گرگێ حمێ) گەلەك ئێریشکار تێدا هاتنە كـوشتن
شێحان، سالار محەمەد دۆسكی:
1-2
پێشمەرگەیێ شۆرەشا ئیلۆنێ قاسو عەلو ساڤارا خەلكێ گوندێ (گوهبەل)ە ل سالا 1954 ل گوندێ ناڤبری ل قەزا شنگال ژ دایك بوویە، ئاستێ خواندنێ هەتا پولا شەشێ خواندیە ل دەڤەرێن جودا چونكە كاودانێن وی سەر دەمی نەخوستن ل جهەكی بەردەوامیێ بدەتە خواندنا خوە .
قاسو عەلو ساڤارا، یێ بەرنیاس ب بنەمالا (عەلو ساڤارا) پێشمەرگەیێ شۆرەشا ئیلۆنێ بەحسێ پەیوەندیێن بنەمالا خوە ل گەل شۆرەشا ئیلۆنێ بۆ رۆژناما ئەڤرۆ دكەت، دیاركر كو ل سالێت شێستان مالا خالێ وی (ئسماعیل) خودێ ژێ رازیبیت ل كومەلگەها (دێرەبوونێ) بوو، و بابێ من هاتە مالا خالێ من و پێكڤەچوونە قەزا زاخۆ، ل دەف خودێ ژێ رازی(صالح یوسفی) خالێ من خودێ ژێ رازیبیت بابێ من بۆ خودێ ژێ رازی (صالح یوسفی) دا نیاسین وی دەمی خالێ من رێكخستیین پارتی دیموكراتی كوردستان بوو، و سەر ب لژنا ناوچا زاخۆ ڤە بوو، د وێ دیتنێ دا خودێ ژێ رازی (صالح یوسفی) بابێ من راسپارد كو بچیتە قەزا شنگال دەست ب كارێ رێكخستنێ بكەت، و بابێ من گۆتێ نوزانم بخوینم و بنڤیسم دێ چەوا كارێ رێكخستنێ كەم؟، خودێ ژێ رازی گۆتێ هەما هەرە و هەر دەه كەسان بكە گرۆپەك و كەسەكی بكە بەرپرسێ وان و ئابوونا ژی كوم بكە، و بابێ من پشتی ڤەگەریایە شنگال و دەست ب كارێ رێكخستنێ كر، و هێدی هێدی رێكخستنا وی بەر فرەه بوو و دەست ب خەباتەكا ئێكجار مەزن ل شنگال كر، و زێدەتر رێكخستێن پارتی دیموكراتی كوردستان ل شنگال بەرەف مەزن بوونێ ڤە چوون، و ئێدی پارتی سەنگ و هێزەكا مەزن دانا شنگال بڤێ رێكخستنا بەرفرەه و بابێ من بەردەوام بوو و هەتا سالا 1963 ئابوونێن چیایێ شنگال وی دەمی (3700) دینار بوون، دهاتنە كومكرن ژلایێ بابێ من ڤە بۆ حزبێ دهاتنە رەوانەكرن، وی دەمی میترا عەردی ل مویسل ب (50) فلسان بوو وی دەمی بابێ من شیا ب وی پارەی نیڤەكا مویسل بكریت، لێ نەوەك هندەك بەرپرسێن نوكە بوو و ب پارا دهاتە (مام شڤان) مالا (پیر جەعفو) و ئەو پارە دبرە گوندێ (گەلناسكێ)، ل سالا 1963 بابێ من هاتە دەستەسەركرن، و سریا ئنزیباتی ژ مویسل هاتنە مالا مە ل (گوهبەل) و پشكنین كر، و كەسەكی پێزانین ل سەر بابێ من گەهاندبوونە حوكمەتا ئیراقێ وی دەمی باپیرێ من گەلەكێ نەخوش بوو، و ل بەر مرنێ بوو و ئەم چووینە زیندانێ و سەردانا بابێ خوە مە كر، وی گۆت هەرە دەف (خدر حەسۆ) وی دەمی كەسەكێ نەدوێریا مالا مە خودان بكەت، وێ شەڤێ خودێ ژێ رازی (خدر حەسۆ) پیكەمەك گرت و مامێ من و دایكا من هاتن مالا مە باركر برنە (هەمەدین)، و هەر وێ شەڤێ باپیرێ من ل (هەمەدین) چوو بەر رەحما خودێ و تڤەنگ هاتنە هاڤێتن، و هەر وی دەمی (حەجی پیرۆ) ل گەل چەند گوندیان جەنازێ باپیرێ من ڤەشارتن.
پێشمەرگەیێ شۆرەشا ئیلۆن قاسو عەلو ساڤارا گۆت: پشتی گرتنا بابێ من ئێدی ئابوونێن حزبێ من و خودێ ژێ رازی یا دایكا من كومدكرن، وی دەمی ئەز زارۆك بووم وی دەمی مە پارە دگەهاندە گوندێ (مام شڤان) ل مالا (پیر جەعفو) وێرێ كادرێن لقێ ئێك دهاتن ئابوونە وەردگرتن و پوستێ شنگال دگەهاندە مە، و ئەو دچوون و بەردەوام بووین، دووڤدا گۆتن دیفچوونا ل سەر هەوە دهێتەكرن و بلا بهێنە گوهورین و ئێكێ دگۆتنێ (شێخ ئوسمان) ئەوی و زارۆكێن خوە ژی دەست ب كومكرنا ئابوونا و وەرگرتنا پوستێن شنگال كرن و دووڤ دا مە ئابوونە گەهاندە لژنا شێخان یا پارتی دیموكراتی كوردستان وی دەمی خودێ ژێ رازی (فاروق بەگ) بوو، (حسێنێ بابە شێخ) بوو (محەمەدێ ئوسمانا) بوو وی دەمی ئەم ژ لقێ ئێك هاتبووینە ڤەكرن، و هاتبووینە رەوانەكرن بۆ سەر لژنا ناوچا شێخان ڤە و دەمێ ل گەل دایكا خوە دهاتم بۆ كومكرنا ئابوونا یان گەهاندنێ یان وەرگرتنا پوستێن شنگال وی دەمی زارۆك ژی بووم لێ من دزانی كی بەرپرسە و كی ل گەل كێ یە، وی دەمی ژیێ من نێزیكی (10) سالان بوو و هەر هەیڤ مە ئابوونە دگەهاندە مالا كەسەكی و هندەك جاران مە ئابوونە دگەهاندە باعەدرێ مالا خودێ ژێ رازی (فاروق بەگ) و گەلەك جاران ب بهانا چوونا مالا (بابە شێخ) مە پوستێ خوە دگەهاندە دەستێ (حسێن بابە شێخ) خودێ ژێ رازیبت و هەر هەیڤە جهەكی بوو و ئەڤە بۆ سەلامەتی و پاراستنا نهێنی یا كارێ مە بوو و بەردەوام بووین و پشتی بورینا حەفت هەیڤان ژ گرتنا بابێ من دانوستاندن د ناڤبەر سەركرداتیا شۆرەشێ و حوكمەتا ئیراقێ یا وی سەردەمی دا هاتنەكرن، خودێ ژێ رازی (صالح یوسفی) هات و بابێ من ل باژێرێ مویسل ئازادكر، و پشتی ئازادكرنێ بابێ من دەست ب خەباتا خوە كرە ڤە و كونگرەك ل مەكتەبا سیاسی هاتە ئەنجامدان و بابێ من تێدا پشكدار بوو، و پشتی ڤەگەریای (10) برنو ل گەل خوە ئینان و مەكتەبا سیاسی گۆت بوویێ ئەڤان بدە (10) پێشمەرگا بلا ل گەل تەبن و ئەو هەر (10) برنو ئینان و ل (مام شڤان) ل مالا (پیر جەعفو) ڤەشارتن، و هەتا دەلیڤەك بۆ دروست بووی ئەو (10) برنو بۆ قەزا شنگال هاتینە ڤەگوهاستن.
قاسو عەلو ساڤارا، زێدەتر گۆت: بابێ من ل سالا 1967 دووبارە هاتە دەستەسەركرن و دووڤ دا دانوستاندن دورست بوون و بابێ من هاتە ئازادكرن وی دەمی خودێ ژێ رازی (عەلی شنگالی) سەرپەرشتی دكر، و هاتە ئازادكرن و ڤێ جارێ ژی بابێ من نێزیكی هەشت هەیڤان ما ل زیندانێ ڤە، و جارا ئێكێ بابێ من گەلەك ئەشكەنجەدا و گەلەك ئێشاند و نینوكێن وی كێشان و جارا دووێ هوسا نە ئێشاند.
پێشمەرگەیێ شۆرەشا ئیلۆن قاسو عەلو ساڤارا زێدەتر گۆت: ل سالا 1966 وی دەمی چەتێن (جەلالیا) ل قەزا سێمێلێ بوون، ئیكی دگۆتنێ (هەسن) (جەلالی) بوو، مالا خالێ من وێ دەڤەرێ بوو و بیرا من دهێت وی دەمی ئەم ژبەر (جەلالیان) دڤەشارتین.
ناڤبری زێدەتر گۆت: پشتی بەیانا 11ی ئادارێ ل سالا 1970 بابێ من ڤەگەریا شنگال و دەست ب خەباتا خوە یا شورەشگێری كرە ڤە و لژنە ل شنگال هاتەڤەكرن و گەلەك روودان ل قەزا شنگال دروست بوون و شەر دناڤبەر پێشمەرگەی و عەرەبان دا دروست بوو و چەندین ترۆمبێل و هێز ژ (تەلەعفەر) هاتنە (گرێ رەش) و بیرا من دهێت پێشمەرگەی ئەو ترۆمبێلێن ژ (تەلەعفەر)ێ هاتین هەمی ژ چەككرن و چەك ما د دەستێ پێشمەرگەی دا و چوون و شەر ل گوندێن (كوچو و گرگێ حمێ) چێ بوو و چوون و گەلەك (عەرەب) هاتنە كوشتن و دەسپێكێ بابێ من بەرپرسێ لژنا ناوچا شێخان بوو و دووڤ دا هەلبژارتن هاتنەكرن و (شێخ خەلەف) بوو بەرپرسێ لژنا ناوچا شنگال.
