ل شەڤێن زڤستانێ بۆچی مرۆڤ برسی دبیت؟
وەرزێ زڤستانێ یێ ناسیارە ب شەڤێن درێژ و رۆژێن کورت، ژبەرکو سعەتێن شەڤێ گەلەکن، گەلەک کەس تووشی زوو برسیبوونێ دبن پشتی نانخوارنێ.
کۆمەکا ئەگەران دبنە هۆیێ زێدەوونا هەستێ برسیبوونێ د شەڤاندا ب شێوەیەکێ بەرچاڤ کو گرنگترین ئەگەر ئەڤەنە:
١. پلا گەرمێ یا نزم، دبیتە ئەگەرێ بلندبوونا رێژا سووتنا چەوریان بۆ رزگاربوون ل هەستکرن ب سەرمایێ، ئەڤەژی دبیتە ئەگەرێ زێدەوونا ئارەزوویا خوارنێ.
٢. روونشتن بۆ دەمەکێ درێژ، ل زڤستانێ گەلەک کەسان حەز ل روونشتنێ هەیە ژبەر ڤێ چەندێ، لڤینا لەشی کێم دبیت، ئەڤەژی وەدکەت حەزا خوارنێ زێدەتر بیت.
٣. خەمۆکیا زڤستانێ، هندەک کەسان ئاریشا خەمۆکیا زڤستانێ هەیە، کو ئەڤەژی ئاریشەکا دەروونییە و پەیوەندی ب تێکچوونا دەروونی هەیە ل گەل گۆهورینا وەرزان.
٤. نەڤەخوارنا رێژا پێدڤی یا ئاڤێ، گەلەک کەس هزردکەن ل زڤستانێ خوهـ لەشی نادەت، لەورا کێمتر ئاڤێ ڤەدخۆن، کو ئەڤەژی دبیتە ئەگەرێ هشکبوونا لەشی و ب بەردەوامی وەدکەت هەست بە برسیبوونێ بکەی.
٥. زێدەخوارنا خوارنێن ب لەز و ڤەخوارنێن غازی، بەردەوام خوارنا خوارنێن ب لەز دبیتتە ئەگەرێ زوو برسیبوونێ و قەلەویێ.
