ئه‌نترنێت ل عيراقێ هاته راگرتن
ئه‌ڤرۆ نيوز، فاتما مزوورى:
هه‌ڤده‌م ل گه‌ل ده‌سپێكرنا ئه‌زموونێن دووماهيا سالێ، هه‌موو خزمه‌تگۆزاريێن ئه‌نترنێت و مۆبايلێ ل عيراقێ هاتنه راگرتن.
مالپه‌رێ مه‌سه‌له به‌لاڤكر كو ل سه‌ر داخوازا وه‌زاره‌تا په‌روه‌ردێ ل حوكمه‌تا عيراقێ، ئه‌ڤرۆ پێنجشه‌مبى ل هه‌موو پارێزگه‌هێن ناڤه‌راست و باشوورێ عيراقێ، هه‌موو خزمه‌تگوزاريێن ئه‌نترنێت و هێلێن مۆبايلێ هاتنه راگرتن.
رياز سه‌عدون رێڤه‌به‌را بورجێن كۆمپانيێن ئه‌نترنێتا “ئيرس لينك” ل عيراقێ راگه‌هاند: هه‌تا دووماهيا ئه‌زموونان، رۆژانه ژ ده‌مژمێر 6:00ى سپێدێ هه‌تا 9:00ى سپێدێ، هه‌موو خزمه‌تگوزاريێن ئه‌نترنێت و مۆبايلێ رادگه‌هينيت، ئه‌ڤه ژى ب مه‌ره‌ما رێگريكرن ل دزينا پرسياران و ئه‌زموونان و سه‌خته‌كاريان.
ئه‌ڤرۆ رۆژا پێنجشه‌مبى ل ناڤه‌راست و باشوورێ عيراقێ، ئه‌زموونێن دووماهيا سالێ بۆ پۆلێن شه‌شێ ئاماده‌ى ده‌سپێكرن كو 450 هزار قوتابى دێ پشكداريێ تێدا كه‌ن.
