ل عەفرینێ رەوشا نەئاسایی هاتە راگەهاندن
ئەڤرۆ نیۆز: هۆشەنگ تاجر:
ژ بەر شەر و ئالۆزیێن ل عەفرینێ و هەروەسا رەڤاندنا وەلاتیان ژ ئالیێ گرۆپێن سەر ب تورکیا ڤە ئەڤرۆکە ناڤەندا لەشکری یا تورکیا رەوشا نەئاسایی ل عەفرینێ راگەهاند و ل گۆر ڤێ راگەهاندنێ هاتن و چوونا وەلاتیان بۆ دەرڤە هاتە قەدەغەکرن.
د ڤێ دەربارێ دا فەیسەل ئیسماعیل ئەندامێ سەرکردایەتیا پارتی دیموکراتی کوردستان/ سووریا بۆ ئەڤرۆ نیۆز دیار کر کو ئەڤرۆکە شەرەک ل عەفرینێ د ناڤبەرا گرۆپێن چەکدار دا روو دایە و ژ بەر هندێ ژی رەوشا نەئاسایی هاتیە راگەهاندن هەتا کو رەوش ئارام دبیت.
