ل فەیدیێ كارگەهەك بۆ بازاركرنا بەرهەمێ جۆتیاران دهێتە دانان
دهۆك، پەروین سەلاح
جێگرێ رێڤەبەرێ گشتیێ چاندنێ راگەهاند، ئەڤ سالە جوتیارێن مە بەرهەمێ وان هەمی ب بوهایەكێ باش دهێتە دناڤ بازاری دا و چو زیان ب جوتیاران نەكەفتیە، دانانا ڤێ كارگەهێ یە ل دەڤەرا فەیدیێ، ئەڤ كارگەهـە ژی ل سەر رووبەرێ پێنچ هزار مەتران دێ هێتە دان، سیستەمێ كارەبا ڤێ كارگەهێ دێ بیتە سیستەمێ كارەبا تیشكا رۆژێ و ڤەكرنا ڤێ كارگەهێ ل دەڤەرا فەیدیێ دێ مفای گەهینیتە جوتیاران و بەرهەمێ وان.
موسلح حەسەن، جێگرێ رێڤەبەرێ گشتیێ چاندنێ ل پارێزگەها دهۆكێ بۆ رۆژناما ئەڤرۆ دیار كر، ئێك ژ ئاریشێن سەرەكی یێن جوتیارێن بازاركرنا بەرهەمێ وانە، ب خوشحالیڤە بەشەكێ وێ 90% ژ بازاركرنا بەرهەمی هاتیە چارەسەركرن.
ناڤهاتی گۆت ژی: ئەڤ سالە جوتیارێن مە بەرهەمێ وانا هەموو ب بوهایەكێ باش دهێتە دناڤ بازاری دا و چو زیان ب جوتیاران نەكەفتینە، ئاریشەكا دی ژی ئەو بوو، ئەڤ بەرهەمێ دهێت دبیت ب رێیەكا تەقلیدی دهاتە دناڤ بازاری دا، ئەو ژی ب سندوقێن كەڤن.
گۆت ژی: ئەز دبینم ئەڤ سیستەمە ل جیهانێ هەموویێ نەمایە، چونكو نوكە بەرهەم هەموو دهێتە بازاركرنێ ب شێوەكێ باش و ب چەندین شێوە یێن دی، هەر ئێك بۆ تشتەكی دهێتە ب كارئینان، ئەڤ كارگەهە ل دەڤەرا فەیدیێ دێ هێتە دانان و بەرهەمێ جوتیاران ل ڤێرە دا دهێتە بازاركرن و دهێتە هنارتن بۆ ناڤا بازاری ب باشترین شێوە.
ناڤبری ئاماژە ب وێ چەندێ دا: ڤەكرنا ڤێ كارگەهێ ل دەڤەرا فەیدیێ دێ مفای گەهینتە جوتیاران و بەرهەمێ وان، دێ جوتیارێن مە تووشی ڤان ئاریشا نەبیت، دەمێ بەرهەمێ خوە دئینیتە د ناڤ بازاری دا، گەلەك جاران دێ بینین بەرهەمێ بیانی ب شێوەیەكێ جوان یێ هاتیە بازاركرنێ، بەلێ بەرهەمێ ناڤخۆیی هۆسا نەهاتیە بازاركرن كو چاڤێ خەلكەكی بچیتێ، بۆهایێ وێ هوسا بهێتە دیاركرن.
ل دووماهیێ مسلح حەسەن ئاشكرا ژی كر، ئاریشا بەرهەمێ جۆتیاران دێ هێتە چارەسەركرن، دانانا ڤێ كارگەهێ یە ل دەڤەرا فەیدیێ، ئەڤ كارگەهـە ژی ل سەر رووبەرێ پێنچ هزار مەتران دێ هێتە دان، ئەرد ژی هاتیە دەست نیشانكرن، ب تنێ هندەك ئاریشە هەبووینە، ئەو رێكخراوا هاریكار دگەل مە بۆ دانانا ڤێ كارگەهێ سیستەمێ كارەبا ڤێ كارگەهێ ببیتە سیستەمێ كارەبا تیشكا رۆژێ، ئەو ژی یا چارەسەر بووی و ب زووترین دەم ئەڤ كارگەهە دهێتە ڤەكرن.
