ل قه‌ره‌باخێ شەڕ د ناڤبه‌را ئازه‌ریان و ئه‌رمه‌نان دا روودا
ئەڤرۆ
سەرجان مەحمود:
وه‌زاره‌تا بەرگریێ یا ئازه‌ربه‌یجانێ د داخۆیانیه‌کێ دا راگه‌هاند، کو ل هه‌رێما چیایێ قه‌ره‌باخێ د ناڤبه‌را سه‌ربازێن وان و یێن ئه‌رمه‌نیان دا شەڕ ده‌رکەفتیە و ژ هه‌ر دو ئالیان ژی کوشتی و بریندار هه‌نه، ئاشکرا ژی کریە ژ ئاخا ئه‌رمه‌نستانێ ڤه بۆ ئه‌رمه‌نیێن ل قه‌ره‌باخێ چه‌ک و ته‌قه‌مه‌نێ دهێنه هنارتنن، هێزێن وان خوا‌ستینه رێ ل به‌ر شاندنا چه‌کان بگرن و ل هه‌مبه‌ر دا هێزێن ئه‌رمه‌نیان ئێرشی هێزێن مه کرینه د ئەنجاما شەڕی دا ژ هەر دو ئالیان ژی هژمارەک سەرباز هاتینە کوشتن و بریندار ژی هەنە.
ل ئالیێ دی د ده‌ربارێ شەڕێ ل قه‌ره‌باخێ دا هەتا نها حوکمەتا ئەرمەنستانێ ب فەرمی چو داخۆیانیه‌ک به‌لاڤ نه‌کریه، لێ ده‌زگه‌هێن راگه‌هاندنا ئه‌رمه‌نستانێ دیار کرن، کو ل قه‌ره‌باخێ پشتی ئێرشا هێزێن ئازه‌ربه‌یجانێ شه‌ڕ روی دایە، د ئه‌نجام دا هژماره‌ک سه‌ربازێن ئازه‌ربه‌یجانێ و سێ پۆلیسێن ئه‌رمه‌نستانێ گیانێ خۆ ژ ده‌ست داینه و هژماره‌ک که‌س ژی ژ هه‌ر دو ئالیان بریندار بووینه.
