ل قهندیلی، ئهنقهره ناهێته شكاندن
ههژین رێكانی
توركیا ئێك ژ دهولهتێن دهڤهرێ یێن ب هێزه ژلایهنێ سهربازی و چهكی گرنگی و ههبوونا وان دیاره و كار ژ بۆ پێشڤهبرنا ڤێ یهكێ دایه و بۆدجهیهكا مهزن سالانه دهێته تهرخانكرن بۆ مهبهستا سهربازی و دهولهتا توركیا دو دهولهته د دهولهتهكێ دا، ئانكو دهولهتا مهدهنی و دهولهتا سهربازی ئانكو توركیا دهولهتهك ب هێزه، ل پێشتر پێشی رهجهب تهیب ئوردوغان ببیت ب سهرۆكێ توركیا دهولهتا سهربازی زالتربوویه و بێسنۆر بوویه ژ ههموو لایهنان ب سهر دهولهتا مهدهنی یا توركیا لێ ل پشتی هاتنا رهجهب تهیب ئوردوغان گوهۆرینێن مهزن پهیداكرن و سنۆر ژبۆ دهولهتا سهربازی هاتنه دانان، وهكی نهدبوو سهركردێن سهربازی بێی دهستیریا دهولهتا مهدهنی ب ئازادانه داخۆیانیان بۆ راگههاندنێ بدهن د بابهتێن سیاسی دا و یا ژ ڤێ جوداتر ژی ئێك ژ مهزنترین كۆدهتایێن ل توركیا هاتینه ئهنجامدان ب مهبهستا ژناڤبرنا ئوردوغان ڤێ كۆدهتایێ شكهستن ئینا ژبهركو سیاسهتا ئوردوغانی یا ب هێز وهكر ئهو پهنایێ ببهته بهر رایا گشتی و شیا ڤێ ئاستهنگێ دهربازبكهت، ل ڤێرێ ب گشتی توركیا و وهلاتیێن وێ ب گشتی تهنازۆلێ بۆ هیچ وهلاتهكێ جیهانێ ناكهت، هۆسا هاتینه فێركرن كو ژ لایێ نهتهوهیی ڤه، د خوهپهرست بن و ب تایبهت پشتی هاتنا ئوردوغان بۆ سهر دهستههلاتێ پشتبهستن ل سهر خوه و خاكا خوه پتر ل وی وهلاتی بهرچاڤه و ئوردوغان د وارێ گۆتاربێژیێ دا شیانێن ههری باش ههنه كارتێكرنهكا راستهوخوه ل رایا گشتی یا توركیا و بهلكو ل جیهانێ ژی ههیه ب شێوهی پهیامێن توند دگههینیته هند وهلاتان و گیانێ تۆلڤهكرنێ ل دهف ههیه كو رۆژانه د گۆتارێن خوه یێن جهماوهری دا بهرسڤا دژایهتیێن دهولهتێن دن یان پارتێن سیاسیێن ههڤرك ددهت دیاردبیت بهردهوام دئاخفتنێن خوه دا تونده ههتا ل ههمبهر دهولهتهكا زلهێز وهكی ئهمریكا، ئانكو ئهنجام ب دیاركرنا ئیرادهیهكا ب هێز ژ لایێ توركیا ئهو دكاریت ببیته ههڤركهك سیاسی و سهربازی سهرسهخت بۆ ههر دهولهتهكا ههبیت دبیت ههر ئهڤه ببیته ههكه كو ههبوونا پهیوهندیێن توركیا پشتی هاتنا ئوردوغان بهر ب كێمبوونێ ڤه چوویه ل گهل جیهانێ و ئانكو توركیا زێدهتر د چارچووڤێ بهرژهوهندیێن خوه دا گرنگیێ ددهته پهیوهندیان ب وهلاتێن دهستنیشانكری، یا گرنگ پهیوهندیێن ههرێما كوردستانێ ل گهل وهلاتێ توركیا د ئاستهكێ ههری باش دایه نێچیرڤان بارزانی سهرۆكێ ههرێما كوردستانێ ل پێشتر و ل نها ژی بهردهوام ههول بۆ پهیداكرنا ئێمناهیا ههرێمێ داینه و ئهو ژی ب رێیا پهیوهندیێن دبلۆماسیێن ب هێز ل گهل جیهانێ ب گشتی و دهولهتێن زلهێز و دهولهتێن جیران ب تایبهتی، مادهم كورد نه دهولهتین و دهولهتێن جیران ب هێزن ژ ههر لایهنهكێ ههبیت نابیت ب چ شێوازهكێ بكهڤینه د ههڤركیێن دژایهتی و شهرو توندوتیژی دا د گهل وان وهلاتان، ژبهركو د ئهنجام دا دێ بهرسڤ ب توندی ژبۆ ههرێمێ زڤریت و نهئارامیێ ل كوردستانێ پهیداكهت یا ئاشكهرایه كورد خودان ئیرادهنه كورد بهێزن كورد شهركهرن كورد دهستێوهردانێن چ دهولهتهكێ قهبوول ناكهت، لێ دڤێت ژ وێ راستیێ ژی نه رهڤین كو ئهم ههرێمین نه دهولهتێن كو مه دهستههلات تمام ههبیت و سنۆرێن كوردستانێ نههێنه بهزاندن، یا دیتر دهما پێنگاڤ بۆ شهڕی دهێته دانان دڤێت ئهو وهلات ههڤركێ خوه بنیاسیت ب بهرچاڤ وهرگرتنا ژمارا دانیشتوان رێژا هێزا سهربازی یێ دهولهتێ و ژماره و جۆرێ چهكێن بكاردئینن و ههین ددهولهتێ دا، ئانكو نه یا واقعی یه ل بهندا ههموو دهولهتان ب جهنگین ههكه جیهان ههموو دوژمن بیت، ب تنێ یێ دهێته سهر ئاخا مه دێ بهرهڤانیێ ژ ئاخا خوه كهین كورد هیچ دهمهكێ لایهنێ ئێكهم نهبوویه بۆ هێرشا سهربازی، بهلكو ب درێژاهیا دیرۆكێ بهرهڤانی كریه، ئهڤجا نه یا واقعی یه بكهڤینه د شهرهكێ توند دا بهرامبهر توركیا و نه یا راسته توركیا بهێته ئازراندن ل ههمبهر گهلێ مه ب رێیێن نه ئاسایی و ب رێیا پلانێن كوژهك یێن پهكهكه. پهكهكه وهكه گرۆپهكێ چهكداری یێ بێبنهما و دوور ژ یاسا و رێسایێن نیڤدهولهتی و نهبوونا چ رێخستن و چ سیستهمان دخوازیت و كار ژ بۆ وێ ئێكێ دكهت تۆمهتان ل سهر ههرێما كوردستانێ ل ههمبهرى توركیا دروستبكهت ژبۆ تێكدانا پهیوهندیێن ههرێم و توركیایێ و ژبۆ تێكدانا ئێمناهیا ههرێمێ، پهكهكه دهێته سهر ئاخا ههرێمێ كارێن خوه یێن تیرۆرستی و پلانێن خوه یێن ئاژاوهگێری جێبهجێدكهت ژبۆ ههرێم ببیته مهیدانا شهری بۆ پهكهكه و توركیا، یان ژبۆ ههرێم و توركیا ل ههمبهر ئێك راوهستن یان پهكهكه ئارمانج پێ ئهوه ههرێمێ ل ههمبهر توركیایێ شهرمزاربكهت، ئانكو دیاردبیت گرۆپێ چهكداریێ پهكهكه چ بنهما و سیستهمهك نهبوویه ههكه، نه بۆچی دێ لایهنهكێ دی ئیننه د بابهتی دا كو نه ل گهل هزرا وانه. یا گرنگ د نها دا ههبوونا ئێمناهیێ یه ژ بۆ ههرێما كوردستانێ و پاراستنا پهیوهندیێن ههرێمێ یه ل گهل توركیا و ب جیهانێ ب گشتی، ژبهركو ل دووڤ گۆتارا بارزانیێ ههرێما كوردستانێ، بهره ب ئاڤهدانی و پێشكهفتنێ بچیت و دووربیت ژ ئاژاوه و شهر و كوشتن، گرۆپهك نهبیته سهدهما تێكدانا رهوشا ئێمناهیا ههرێما كوردستانێ و زێدهتر ههرێم بهر ب ئاشتی و بهێزكرنا پهیوهندیێن دبلۆماسی و ئابووری و پهیداكرنا ئێمناهیێ ڤه بچیت.
