ل كه‌لار چه‌ندین دوكان هاتنە گرتن و سزادان
ئەڤرۆ نیۆز،عه‌زیز ره‌سوڵ هه‌ورامانی:
لیژنێن هەڤبەش یێن قایمقامیا قه‌زا كه‌لار ب ئەگەرێ سه‌رپێچیێ ٢٥ جهێن كاری غه‌رامه‌کرن و سزادان.
هه‌ردی سه‌ركه‌وت به‌رپرسێ راگه‌هاندنا قایمقامیا قه‌زا كه‌لار بۆ ئه‌ڤرۆ نیۆز گوت:هه‌ردو تیمێن ئێکێ و دویێ یێن لیژنا هەڤبەش یێن قایمقامیا قه‌زا كه‌لار ژ ئه‌نجامێ سه‌رەدان و پشكنینێ و ب ئەگەرێ هەبوونا کەل و پەلێن خوارنێ یێن ب سەرڤەچووی و پابەندنه‌بوون ب رێنماییان ١٩ جهێن كاری ب گۆژمێ (٩١٥) هزار دیناران هاتنە غەرامەکرن.
سه‌ركه‌وت هێشتا دبێژیت:ب ئەگەرێ نەبوون و یان ب سه‌رڤە چوونا مولەتێن وان ٦ جهێن دیتر هاتنە داخستن،هەروەسا هەتا مولەتێن خوە نوو نەکەن بریارا ڤەکرنا وان جهان ناهێتەدان.
ئەو ژی گۆتیە:لیژنێن قایمقامییا كه‌لار دێ به‌رده‌وام بن ل گه‌ریان و پشكنینان هەتاکو ئەم ب شێین ب باشترین شێوە كۆنترولا بازاری بكه‌ین و رێکێ ژی ل زێدەهیان و كه‌لوپه‌لێن خراب بگرین
