ل كوردستانێ يێ له‌شفرۆشيێ بكه‌ت ب ڤى ره‌نگى دهێته سزا دان
ئه‌ڤرۆ:
پارێزەرەکا دادگەھا دھۆکێ راگەھاند، کێشا لەشفروشیێ گەلەک کێم ل دادگەھێ دھێنە تومارکرن و زوربەیا وان ژی نە خەلکێ دھۆکێ نە، گۆتژی پتریا ڤان کریاران ژلایێ شوفێران ڤە دھێنە ئاشکراکرن جاران ل زاڵگەھان دھێنە گرتن، ئەگەرێ ڤێ کریارێ ژی ھندەک جاران زەلام دبیتە ئەگەر ژن لەشفروشیێ بکەت یان خێزانا وێ ب خوە، سزایێ ڤێ تاوانێ ژی تاوانبار ھەتا ١٥ سالان حوکم دبیت.
ئەڤرۆ، جیھان کۆرەمارکی:
پارێزەر ئاواز مەجید ل دادگەھا دھۆکێ بۆ رۆژناما ئەڤرۆ دیارکر کو کێشا لەشفروشیێ گەلەک کێم ل دادگەھێ دھێنە تومارکرن و زوربەیا وان ژی نە خەلکێ دھۆکێ نە و گۆت: بەحسێ تاوانا لەشفروشیێ د دو مادان دا ھاتیەکرن مادا سیێ دبێژیت: سزایێ وی کەسی شەش ھەیڤن و زێدەتر نابیت ژ حەفت سالان ھەکە ھاتوو نموونە رێڤەبەرێ وێ کوما لەشفروشیێ ژن بیت و ھەموویان ب رێڤەبەت یان رێڤەبەرێ جھەکێ گشتی بیت یان موتێلەکێ بیت یان شوقەکێ بیت و لەشفروشان ب حەوینیت و تایبەت بۆ ڤی کاری بکاربینیت دا وەلاتی گەلەک قەستا جھێ وی بکەن یان وەلاتیەک یێ ھاریکار بیت لەشفروشان بکەتە د مالەکێ ڤە یان شوقەکێ و ھاریکاریا وان بکەت داکو ئاشکرا نەبن، گۆتژی د مادێ چار ژی دا ھاتیە کو سزایێ وی کەسی ژ سێ ھەیڤان کێمتر نابیت و ژ دو سالان زێدەتر نابیت ھەکە ھاتوو کچ بیت یان کور کریارا لیواتێ بکەت یان زورداریێ ل کەسەکی بکەت کو لەشفروشیێ بکەت و گەفا لێ بکەت حوکمێ وی دچیتە ١٠ سالان ژی ھەکە ژیێ وی کەسێ زورداری لێ بوویی ژ ١٨ سالیێ بوری بیت، لێ ھەکە ژیێ وی ژ ١٨ سالیێ کێمتر بیت حوکمێ تاوانیاری زێدەتر نابیت ژ ١٥ سالان و دادگەھێ مافێ ھەی داوا قەرەبووکرنا کەسێ زەرەرمەند بکەت، ناڤھاتیێ دیارکر ژی کو ل ڤێرە ھەکە ھاتوو کەسێ زورداری لێ بوویی ب رزا خوە چوو بیت ئەو ژی دێ ھێتە حوکمکرن. دیسا ئەو تاوانباری بۆ ئێکەم جار ئەڤ کریارە کربیت و خودان زارۆ بیت و لاپەرێ وی یێ سپی بیت دبیت دادگەە دلوڤانیێ پێ بەت و کێمتر ژ حەفت سالان بھێتە حوکمکرن.
زێدەتر گۆت: پتریا ڤان کریاران ژلایێ شوفێران ڤە دھێنە ئاشکراکرن جاران ل زاڵگەھان دھێنە گرتن، ئەگەرێ ڤێ کریارێ ژی ھندەک جاران زەلام دبیتە ئەگەر ژن لەشفروشیێ بکەت یان خێزانا وێ ب خوە، ئەڤ لەشفروشێن بیانی زوربەیا وان ناسنامە ھەنە رێ دەتێ ئەو ل وەلاتێ خوە لەشفروشیێ بکەن بەلێ لنک مە نابیت لەوما ب دزیڤە ڤێ کریارێ دکەن.
