ل كەركووكێ پێنچ یاریزانێن پارێزگەهێ ئەنجامێن دلخوەشكەر ب دەستڤە ئینان
قەیس وەیس:
دوهی هەڤڕكیێن قارەمانییا ئیراقێ یا دەڤەرا هەرێما كوردستانێ و باكۆرێ بەغدا بۆ یارییا كەڕاتێ ل سەر ئاستێ تازەپێگەهشتییان و پشكۆژان كوڕان و كچان پشكداربوون، ئەوا یاریێن وێ ل باژێرێ كەركووكێ هاتنە ئەنجامدان وچەند یاریزانێن هەر سێ یانەیێن پارێزگەهێ دهۆك، سەنحاریب و گارە بۆ كێشێن جودا پشكداربوون.
ئەنجامێن بەرچاڤ یێن هەرسێ یانەیێن پارێزگەهێ بڤی شێوەیی بوون.
ل سەر ئاستێ پشكۆژان دناڤبەرا 12 بۆ 13 سالی یێن كوڕ، سێ یاریزانێن دهۆكێ ڕێزێن ئێكێ هەتا سێیێ بۆ سیستەمێ كۆمێتە بدەستڤە ئینان و بڤی شێوەیی:
بۆ كێشا 40كگم زەكەریا ئەحمەد تارق ڕێزا ئێكێ ئینا.
بۆ كێشا 55كگم عومەر مەحموود تارق ڕێزا سێیێ ئینا
بۆ كێشا +55كگم بیلال دارڤان محەمەد ڕێزا دویێ دەستڤە ئینا.
ل سەر ئاستێ پەچكەشێر كوڕان بۆ ژیێن 10 هەتا 11 سالی ب تنێ دو یاریزانێن دی یێن پارێزگەهێ ئەنجام هەبوون و بڤی شێوەیی:
بۆ سیستەمێ كاتا یاریزانێ یانەیا سەنحاریب ریزوان عادل رەحمان ڕێزا سێیێ هات.
بۆ سیستەمێ كۆمێتە یا كێشا 45كگم جودی دارڤان محەمەد ژ یانەیا گارە ڕێزا سێیێ ب دەستڤە ئینا.
د داخویانیەكێ دا عەلی حەسەن سكرتێرێ فدراسیۆنا كاراتێ یا ئیراقێ دیار كر ئەڤ قارەمانییە درێژەپێدانە ل دووڤ بەرنامەیێ فدراسیۆنێ ژبۆ زانینا ئاست و شیانێن یاریزانان و دیسان پلان بۆ دانانا نڤشەكێ نوو یێ یاریزانێن هەلبژارتیێ ئیراقێ، هەڤڕكییەكا ئێكچار زوور هەبوو دناڤبەرا یاریزانێن كوڕ و كچ د یاریێن خوە دا، دیاربوو یانەیێن هەرێما كوردستانێ خودان شەنگستەكێ بهێ زیێن یاریزانێن پشكۆژ و پەچكەشێرێن و ئەڤە ژی پاشەرۆژەكا گەشە بۆ ڤێ یاریێ، پیرۆزباهیێ ل هەموو یانە و یاریزانان دكەین و گەشبینم ب ڤێ نڤشێ نوو ئاستێ یاریێ پێشكەڤیت.
