ل كەلها نزاركێ زەلام ئەشكەنجەددان و بێ ئاڤ و نان ل بەر گەرمایا چلەیێ هاڤینێ ئەم دهێلاین
رەمەزان دەشتمری/ زاخۆ
1- 3
ژناڤبرن و قڕكرنا مللەتان نەبوویە و نابت و نە ب گرتن و و زیندانكرنا ئازادیخوازان و نە ب ئەشكەنجێ و نە ب سوتن و كاڤلكرنا گوند و شاران و نە ب كارئینانا چەكێن گران ناپالم و تانك و نە ب توپ فروكێن جەنگی و چەكێ قەدەعەكری ئەڤە بۆ دوژمنان باش ئاشكرا دبیت ب ئەڤێ چەندێ مللەت ژنافناچن و بەلكو رۆژ بۆ رۆژێ چەندین زولم و ستەكاری مەزنتر دبت وەسان گازییا ئازادیێ بلندتر دبیت ە بیر و باوەرێن شورەشگیری موكومتر دكەت.گیانێ بەرخوەدانێ ب هێزتر دكەڤیت و رژێمێن دكتاتور و داگیركەرێن كوردستانێ ژی نەخاسمە رژێمل بەعسا ژنافچویی ب هەمیە جورێن زورداریێ دگەل مللەتێ كورد ئەنجامدان و ب هەمی هێزا خۆوەڤە هێرشێن ئیناین ل سەر دەڤەرێن كوردستانێ هەر ژ باژێرێ زاخۆ هەتا باژێرێ خانقینێ و هەر وەسان ب ئەڤێ چەندێ ژی قایل نەبین و كەربا دلێ ئەوان یا كیرهەگرتی نەشكەست و بێهنا دلێ ئەوان نەهات لەوما پەنا برنە بۆ ب كارئینانا چەكێ كێمیاوی ئەوی كو قەدەغەكری ل گور یاسایێن جیهانی و مافێ مروڤان ئەو بوو ل سپێدەهیا رۆژا 25/8/1988ی رژێما ئیراقێ ب ناڤێ (خاتمە الانفال) هێرشەكا قڕكرنێ ئینانە بۆ سەر دەڤەرێن رزگاركری و دەڤەر هات كێمیا بارانكرن، و ترس و لەرز و قێری و زیمار ا ژن و زاروكام دول و نهال و ئەرد و ئەسمان تژی كرن و رۆژەكا رەش دەڤەر داپوشی.
مە ژی وەك رۆژنامەیا ئەڤرو دیدارەك دگەل ژنەكا ئەنفالبووی سازكر و ب ئەڤی شێوەیی ئاخفت و گۆت: ناڤێ من فەریدا عەلی رەشید ل سالا 1955ی ل گوندێ مێسكێ یا سەر ب قەزا باتیقا ڤە ژدایكبوومە. ل سالا 1973ی من هەڤژینی دگەل سلێمان عەمەر هەر خەلكێ گوندێ مێسكێ ئێكئنابی، ل ئەوی دەمێ هەڤژینێ من دگەل هێزا زاخۆ بەتالیونا چوار پێشمەرگەبی و لدەمێ سالا 1974ی شۆڕەشا ئەیلۆنێ دەستپێكری ل ئەوی دەمی هەڤژینێ من دەستدا چەكێ پێشمەرگایەتیێ چوو بۆ دەڤەرا گلالە و حاجی عومران و بۆ ماوێ هەشت هەیڤان ما د ئەركێ پێشمەرگایەتیێ دا و ل مالێ نەزڤڕی. دەمێ شۆڕەشێ حكومەتا ئیراقێ یا ئەوی سەردەمی ب توپێن دویر هاڤێژ و ب فركەیێن جەنگی دەڤەر توپباران دكرن. بۆ چەندین جاران گوندێ مە كێسكێ ژلایێ فروكێن جەنگی ڤە هاتن گولەبارانكرن و ژنەكا خەلكا گوندێ مێسكێ ب ناڤێ گولێ عەمر هات برینداركرن. ل ئەوی دەمێ هەڤژینێ من پێشمەرگە و دئەركی دا ئەز وەك ژن و هەم وەك زەلام ب كار و بارێن مالێ ب رێڤەدبرن و هەر وەسا مە خزمەتا ڕیڤنگ و پێشمەرگەیی دكرن. پشتی نسكویا سالا 1975ی هەڤژینێ من وەك هەمی ئەوێن پێشمەرگە چەكێن خوە رادەستی حكومەتا ئیراقێ كرن و مە دەست ب ژین و ژیارا گوندەواری یا ئەوی سەردەمی كرن، دەمێ چریسكا سۆڕەشا 26ی گولانێ دەسپێكری و رێكخستنا پارتی دیموكراتی كوردستان ل دەڤەرێ ب نهێنی بەلاڤەبوویی، ل ئەوی دەمی هەڤژینێ من دگەل رێكخستنا نهێنی یارتی كاردكر، ب شەڤێ پێشمەرگە دهاتن بۆ ناڤ گوندێ و ل ناڤ مالان بەرلاڤە دبین و مەژی كار و خزمەتا ئەوان دكرن و شیڤ و خوار نبۆ ئەوان بەرهەڤدكرن، و هەر وەسا خوارنا وان یا پێشتێ و فراڤێنێ مە بەرهەڤدكرن و جانتێن ئەوان یێن نانێ دا بۆ ئەوان داگرن و و دا دگەل خۆە بۆ هەشارێ چن و خۆە ب رۆژێ ل ناڤ چەم و نهال و شكەفتاندا خۆە ژبەر ئەسكەرێ حكومەتا ئیراقێ د پاراستن، هەر ل سالا 1976ی هەتا سالا 1981 چەندین جاران ئەسكەرێ حكومەتا ئیراقێ ژ لیوا باتیفا هیرشی دەڤەرێ دكرن، و ل دەمێ بۆ ناڤ گوندێ مە مێسكێ دهاتن و ئیهانا خەلكێ گوندی دكرن و مال ب مال پشكنین دكرن ب بهانەیا هەبینا پێشمەرگەیی و هەر وەسان گەلەك جاران دەمێ هێڕشا ئەسكەرێ حكومەتا ئیراقێ بۆ گوندی دهات ل ئەوی دەمێ ژبەر ڕەوینا سەیان خەو ب چاڤێن خەلكێ گوندی نەدكەفت و هندەك جاران ژی ل دەمێ سپێدێ ئەم دا بەرێ خۆە دەینێ دەور و بەرین گوندی هەمی یێن بوینە ئەسكەر، و ب ناڤ گوندی كەفتین و زەلاما ئەشكەنجە دەن و ژن ژی ئیهانەدكرن، ئانكو ئەڤە ئەو كاودان بین ئەوێن خەلكێ ئەوان گوندان ل ژێر سیبەرا سیاسەت و رەفتارێن ئەسكەرێ حكومەتا ئیراقێ دبوراندن، ئەو بوو ل سالا 1981ی هەڤژینێ من ب ناڤێ سلێمان عەمەر قەستا ناڤ رێزێن شۆڕەشا 26ی گولانێ كر و دگەل رێكخراوا شەهید مەحمود یوسف یا سەر ب لیژنا ناوچا زاخۆ بوو، پێشمەرگە و هەر دیسان كار و بارێ مالێ مانە ب هیڤا منڤە و ب شێوەیەكی ب ڕێكوپیكی من و زاروكێن خۆە ژیانەكا جوان و یا سادە ل ئەوی سەردەمی مە ب خوەشی و شادی ل گوندێ خۆە مێسكێ دا بوراند، ل ئەوی دەمی مە هند پێ كەیف خوەش بوو دەمێ پێشمەرگە دهاتن بۆ ناڤ گوندی و دا ل ناڤ مالان بەلاڤەبن، گەلەك جاران مالێن گوندی خوە توڕەدكرن كو ژبەر چی ئەگەر پێشمەرگە ئەڤێ جارێ نەهاتینە مالا وان، چونكە شەرم ژخوە دكرن كو ل ئەوێ ئیڤارێ ل مالێ بێ مێهڤان شیڤێ بخون، دەمێ پێشمەرگە دهاتن بۆ مالا مە خیرهاتنەكا گەرم ل ئەوان دكر و هەر ل دەسپێكێ ئەم دا گورێن ئەڤان پێشمەرگەیان شوین و زهاكرن و دا شیڤێ دەینن بەر ئەوان و نانێ ئەوان یێ تێشتێ و فراڤینێ ئەوان ئامادەكین، و هوسا ژبەر كو دا ئەوێ خوارنێ دگەل خۆە بنە بۆ هەشارێ. هەر وەسا ئەم دا دا بۆ ئەوان نڤین وەكو لحێف و دوشەك و بالیفك دا بەرهەڤكین و داب ۆ ئەوانا بنە بۆ مالا موختاری دا تێ نڤستبان و هەر وەسا ل سپێدێ زوی ئەم دچون مە ئەو نڤین دئینان هێشتا حكومەت ب مە نە حەسیایی و هەر وەسان گەلەك جاران ئەم دا خوارنا فراڤینێ بۆ پێشمەرگەیی بەرهەڤ دكرن، و هەڤژینێ من دا ئەوێ خوارنێ بۆ پێشمەرگەیی دا بتە هەشارێ و هوسا وەك باب و برا مە خزمەتا پێشمەرگەیی دكر، و مە نەهێلا هیچ كێماتیەك ل ئەڤی پێشمەرگەیی ببن، ژبەر كو مە دزانی ئەڤی پێشمەرگەیی مال و حال و خێزانێن خۆە یێن هێلاین و گیانێ خۆە یێن دەیناتین سەر دەستێ خۆە و جانێ خۆە یێن كرین قوربانی بۆ ئەڤێ ئاخا پیروز دا كو ژبن پوستالێن ئەسكەرێن حكومەتا ئیراقێ دەربێخن و ئەمژی وەك خەلكێ كوردستانێ ب سەرفرازی و ب سەربلندی و ب ئازادی ل ئەڤی وەلاتی دا بژین. هەر ل سالا 1976ی هەتا سالا 1984ی چەندین جارا هێرشێن ئەسكەرێ حكومەتا ئیراقێ بۆ سەر دەڤەرا مە یا ئەوان گوندێن ل بەر ڕویبارێ خابیری دئینان و پێششمەرگەیی ل بەرسینگا ئەڤان هێرشێن ئەسكەری دگرتن، و شەر دگەل ئەوان دكرن و ئەسكەر نەچاردبین ژبەر دەربێن هێزا پێشمەرگەیی ب سەرشوری جاراكادیتر دا پاشڤە زڤرن، و دا ڤەگەڕن بۆ جهێن ئەوران ئەوێن ژێ هاتین.
