ل ناوچەداریا خانكێ باژێڕەكێ بەری 5000 هزار سالان هاتە دیتن
دهۆك، لەزگین جۆقی:
رێڤەبەرێ شوونوار و كەلەپوورێن پارێزگەها دهۆكێ راگەهاند، باژێڕەكێ دیرۆكی، كو دیرۆكا وی بۆ بەری 5000 هزار سالان ڤەدگەڕیت هاتە دیتن.
د. بێكەس بریفكانی، رێڤەبەرێ شوونوار و كەلەپوورێن پارێزگەها دهوكێ بۆ رۆژنامەیا ئەڤرۆ گۆت: «گۆڕستانەكا گرنگ ب رەخ ڤی باژێڕی ڤە هاتیە دیتن، هەژمارەكا مەزن یا گۆڕان د ناڤ دا هاتینە دیتن، هەتا 40 گۆڕانە و ب ئاخا قەلاندی هاتینە چێكرن، دیرۆكا وان بۆ سەردەمێ هلنستی – سلوقی ڤەدگەڕیتە سەدەیا سێیێ بەری زاینێ».
گۆتژی: «ئەڤ جهە سەر ب ناوچەداریا خانكێیە ل دەڤەرداریا سێمێلێ، ل نێزیك گوندێ خانكا كەڤنە بناڤێ (گرێ تەحسین لەگ لەگ)، هەمی گۆڕ بۆ مۆزەخانەیا دهۆكێ یا نیشتمانی دێ هێنە ڤەگوهاستن».
