ل نا‌حیا دینارتێ جۆرە كولیەكی بەرهەمێ جۆتیارێن دەڤەرێ ژناڤبر
رەمەزان زەكەریا
ل سنوورێ ناوچەداریا دینارتە د حالەتەكێ كێم وێنەدا جۆرە كولیەكێ رەش و مەترسیدار ل سەر پتریا بەرهەمێن چاندنا دەڤەرێ دروستكرینە و نێزیكە ئەڤ هژمارا زۆرا كولیا كەدا وان و بەرهەمێ سالێ وەك بابەلیسكێ ل بەر چاڤێن وان راكەت و چارەسەریا ئەڤ هژمارا زۆرا كولیان ل شیانێن جوتیاران و ئەندازیارێن چاندنێ دا نەمایە.
دیندار خورشید جوتیارەكێ دەڤەرا ئاكرێیە بۆ ئەڤرۆ گۆت: كولیەكا وەسا دەركەفتیە زیانەكا زور گەهاندیە جوتیارا تایبەت ئەو جوتیارێن رەز ل ڤێ دەڤەرێ هەین، ئەم دەرمانا د رەشینین بس ئەو هاتینە ڤەگۆهاستن بۆ لایێ دی یێ رەزێ مە، چ كەزان نەهێلاینە و شیرێ وان دخون و بەلگێن چلی دخۆن و نوكە دەما كەزان و كەنگرۆكێ یە دچیت دمێژیت و ناهێلیت چێ بیت و دچیت خۆ ل سماقێ دەت.
عەلی حسێن جوتیارەكێ دن یێ دەڤەرێیە بۆ ئەڤرۆ گۆت: دەركەفتنا ئێك ژ جۆرێن كولیا زەرەرەكا مەزن گەهاندییە مە، بەرهەمێن چیایی د زۆرن، ب تایبەت وەك كەزان و كەنگروك كو دبیتە ئەگەرێ ژ ناڤچونا وان.
كاروان جەمال ئەندازیارێ چاندنێ بۆ ئەڤرۆ گۆت: ئەڤ سالە ژبەر گورانكاریێن كەش وهەوای كو یێ گونجایی بوو بۆ دەركەفتنا خەرزێ كولیا و ئەڤ سالە گەلەكا زۆر بووی كولی دەما ل خەرزێ دەردكەڤیت پێدڤی ب خوارنێ یە و خوارنا وان ژی ل سەر بەلگ و بەری و مازی و سماق دێ زەرەرێ گەهینتە ڤان بەرهەمان دەربارەی چارەسەریا وان گەلەكا ب زەحمەتە، ژ بەر كو ئەو دەڤەر چیایی یە.
