ل نێزیك دێ ڤه‌گه‌ریتە کارێ راهێنه‌رییێ
ئەڤرۆ نیوز ، زنار تۆڤی:
راهێنه‌رێ فره‌نسی و یێ یانه‌یا ریال مه‌درید یێ به‌رێ زێنه‌دین زێدانی دیاركر كۆ ل نێزیك ئه‌و دێ ڤه‌گه‌ریته د جیهانا راهێنه‌ریێ دا، زێدانی د داخویانیه‌كا تایبه‌ت دا بۆ رۆژناما ماركا یا ئیسپانی گۆتیە: کو دەمەکی گەلەکێ نێزیك ئەو دێ ڤه‌گه‌ریته کارێ راهێنه‌ریێ، ژبه‌ركو وی د هه‌موو ژیانا خوه دا حه‌ژ ڤی كاری كریه، لێ وی ژڤانێ درۆست یێ ڤه‌گه‌ریانیێ دیارنەکریە.
زێدانی گۆتیە ژی: لێ ئەو یێ پشتراستە كۆ ل ده‌مه‌كێ نێزیك دێ ده‌ست ب كاره‌كێ نوو كه‌ت، هەروەسا ئه‌ڤه دبیته جارا ئێكێ کو زێدان به‌حسێ پاشه‌رۆژا خوه یا راهێنه‌ریێ بكه‌ت، پشتی ل دووماهیا وه‌رزێ بوری پۆستێ خوه ل یانا مەدریدی بجه هێلای.
هەروەسا رۆژنامێن ئسپانی به‌لاڤكریه، زێدان یێ نێزیكه جهێ جۆزێ مۆرینهۆی راهێنه‌رێ یانا مانچسته‌ر یۆنایتد یا ئنگلیزی وه‌ربگریت.
