ل هۆلەندا هەر مالەك سالانە نێزیكی 250 یۆرۆیان وەكو پارەیێ گلێشی ددەت
دهۆك، پەروین سەلاح:
تایبەتمەندەكێ ژینگەهێ ل وەلاتێ هۆلەندا دیاركر، ل هۆلەندا هەر وەلاتیەكێ هۆلەندی سالانە 490 كیلۆیێن گلێشی پەیدا دكەت، 60% ژێ مفا دهێتە وەرگرتن، وەكو كاغەز و شیشە و كەرەستێن دی، یا دی دمینیت و دهێتە سۆتن. رێكخروا VNG شیایە چەندین پسپۆرێن هۆلەندی بینیتە پارێزگەها دهۆكێ كو بشێن كار د ڤی واریدا بكەن و پێشڤەچوونەكا باش و ئەزموونەكا باشتر ژ وەلاتێن بیانی هەبیت و بۆ رۆژناما ئەڤرۆ گۆت: د سالێ دا هەر مالەكێ 250 یورۆ ژێ دهێنە وەرگرتن و ناچێبیت مالەك پارێ خوە نەدەت، پێدڤیە بدەت دا گلێشێ وان بهێتە كۆمكرن و چارەسەركرن، ئەڤ ترۆمبێلێن بەرمایكا ژی پارەكی دەن دەمێ دچنە كارگەهێن جوداكرنێ ڤە، بۆ هەر تەنەكی ئەو ترۆمبێل دڤێت 38 یورۆیان بدەت هەتا بشێت بچیتە دناڤا كارگەهێ دا.
مستر ئەندریۆس تایبەتمەندێ ژینگەهێ ل وەلاتێ هۆلەندا بۆ رۆژناما ئەڤرۆ دیاركر، ل هۆلەندا رێنومایێن مە گەلەك بۆ ئیدارەكرنا بەرمایكان دباشن و مە گەلەك كارگەهێن ئیدارەكرنا بەرمایكا هەنە و هەر دیسان ئەم ل بن ئاستێ دەریای دژین، ژبەر ڤێ چەندێ ژی ئەم چاڤدێریا ژینگەها خوە دكەین.
ناڤهاتی زێدەتر گۆت: ل دەستپێكێ ژی رێكا گرنگ ئەم ئیدارەكرنا بەرمایكا ل مالان دەسپێدكەین، پێدڤیە ئەم ژێك جودا بكەین، وەك كاغەز و شیشە دگەل كەرەستێن كەسك، ل هەرێما كۆردستانێ ژی ئەڤە ئاریشەكە و هژمارەكا كارگەهـێن ئیدارەكرنا بەرمایكان هەنە و ئەنجام دەین.
ناڤبری ئاماژە ب وێ چەندێ ژی دا: قەبارێ گلێشی ل هۆلەندا د سالەكێ دا 490 كیلۆیان بەرهەم دئینن، 60% ژێ مفا دهێتە وەرگرتن، وەك كاغەز و شیشە و كەرەستێن دی، یا دی دمینت و دهێتە سۆتن و ڤی ریكاری ژی ئەنجام ددەین، 87 كیلۆ ژی كەرەستێ ئۆرگانیك یێ كەسكە ژ وی ئەم دشێین جودابكەین.
تایبەتمەندێ هۆلەندی گۆت ژی: سەبارەت جوداكرنا بەرمایكان ل هۆلەندا و كۆردستانێ ل وەلاتێ هۆلەندا ئەم بەرمایكا ل مالان ژێكجودا دكەین و ل هەرێما كۆردستانێ ل كارگەها كۆاشی هەموو بەرمایكێن گلێشی ژێكجوداكرن دهێنە كرن و ل كواشێ ژی ب پشتەڤانیا كۆمپانیێن تایبەت گلێش ب ڤی شێوەی ژێكجوداكرن دهێتە كرن و ل مالان ناهێتە جوداكرن.
خویاژی كر، مە حاویێن جودا یێن هەین بۆ كاغەز و شووشە و بەرهەمێن دی و حەفتیێ جارەكێ ژی كۆمپانیێن تایبەت دهێن ڤی بەرمایكی هەموویێ كۆم دكەن، دبنە جهێن تایبەتێن چارەسەركرنێ، ئەو ژی ڤەگۆهاستنا رۆژانەیە هەر رۆژ بۆ كەرەستەكی یە.
ناڤبری دیار كر: بێ گۆمان راكرنا بەرمایكان ل وەلاتێ مە ل هۆلەندا دڤێت پارەك بهێتە دان، د سالێ دا هەر مالەكێ 250 یورۆ ژێ دهێنە وەرگرتن و ناچێبیت مالەك پارێ خوە نەدەت، پێدڤیە بدەت دا ئەو گلێشێ وان بهێتە كوم كرن و چارەسەركرن، ئەڤ ترۆمبلێن بەرمایكا ژی پارەكی دەن دەمێ دچنە كارگەهێن جوداكرنێ ڤە، بۆ هەر تەنەكێ ئەو ترۆمبێل دڤێت 38 یورۆیان بدەت هەتا بشێت بچیتە دناڤا كارگەهێ دا.
ئەندریوس زێدەتر ئاشكرا كر، من سەرەدانا كوردستانێ كریە ئەڤە پتر ژ دەهـ سالە و یاسا و رێنوما هندەك یێن هەین و ئەز دبینم پێشڤەچوونەك یا هەی، چونكو وان چەند جهێن جودا یێت بەرمایكا دروست كرینە، هەروەسا من سەرەدانا هەردوو قەزایێن ئاكرێ و ئامێدیێ و كواشێ كریە و ژێرخانەكا باش یا بەرهەمئینانا هەی د بەرمایكاندا و بەرمایكێن ئۆرگانیك وەك كەرەستێن كەسك كار پێ دهێتە كرن.
ناڤهاتی ئاشكەراكر ژی: ئەز دشێم بێژم گلێش نە بەرمایكە، چونكە بەرمایك پارەیە، هین دشێن پارەی ژ بەرمایكان دروست بكەن، ئەڤە ئاریشەیە و نوكە كار ل سەر دهێتە كرن و دبینم هەڤكاری گەلەك دهێتە كرن دگەل رێكخراوا VNG یا هۆلەندی و رێكخراوا ئاژانسا نێڤدەولەتی یا UNHCR و رێڤەبەریا گشتیا باژێرڤانیا دهۆكێ، ئەو یێ كارەكێ هەڤپشك دكەن كو بشێن د ڤی واریدا پێشڤەچوونەكا باش ببینن.
ئەندریۆس گۆت ژی: بێگومان رێكخراوا VNG شیایە چەندین بسپۆرێن هۆلەندی بینیتە پارێزگەها دهۆكێ كو بشێن كار د ڤی واریدا بكەن و پێشڤەچوونەكا باش و ئەزموونەكا باشتر ژ وەلاتێن بیانی هەبیت.
مستر تون شارەزایەكێ دی كو تایبەتمەندێ پسپۆرێ ژینگەهێ یە ل وەلاتێ هۆلەندا بۆ رۆژناما ئەڤرۆ دیار كر، ئەز وەك خوە دبینم ل كۆردستانێ نە وەك هۆلەندیەك، بەلكو وەك كۆمپانیا كۆمپۆستی ئەم ل سەرانسەری جیهانێ كاردكەین، چەندین وەلاتێن ژێكجودا وەك كازاخستان و هندێ هتد، ئەم وەك كۆمپانیا كۆمپۆستی دگەل حوكمەتا خۆ ژی كاردكەین، بێگومان رێنیشاندەرا وان نەبیت ئەم نەشێین چ پرۆژان برێڤەببەین ژ بۆ ڤێ چەندێ، دا كو بشێین كارێن باشتر ئەنجام دەین.
ناڤهاتی گۆت: ئەم پێدڤی جۆرەكێ دی یێ كۆمپۆستینە ئەڤێ ل كۆردستانێ جۆرەكێ كۆمپوستی یە گەلەكێ مەزنە، پارچەیێن مەزن ئەم تێدا دبینین، ژبەر هندێ ئەم كاردكەین و مە ئامێرەكێ دی هەیە بۆ باشتركرنا ڤی كۆمپۆستی، هەتا رادێ پێنج ملی مەتری مە ئامیرە هەنە و دشێین كار ل سەر بكەین و باقژبكەین.
ناڤبری ئاماژە ب وێ چەندێ دا: یا باشتر ئەوە ل دەسپێكێ ئەم بشێین رێیەكێ پەیدابكەین بەرمایكێن گلێشی ل مالان بهێنە جوداكرن، دا پرۆسێسا مە یا باشتركرنا كۆمپۆستی هێشتا باشتر لێ بهێت.
تایبەتمەندێ ژینگەهێ مستر تون گۆت ژی: مە رێبازەكا جودا یا كۆمپۆستی هەیە، ل دەسپێكێ جهێن مە یێن كۆمپۆستی ل مالان بیت، چونكە ئەم كارێن جودا دكەین ژێك جوداكرنا بەرمایكان، وەك پارچەیێن مەزن و هەر پارچەكا مەزنتر ژ ٨٠ێ ملی مەتران، ئەم ژێكجودا دكەین، ل دووڤ دا ئەم پرۆسێسەكێ دەسپێدكەین بۆ باشتركرنا كۆمپۆستی و دچیتە دناڤا ئامیران دا، كەرەستێن ئۆرگانیك دئینین ژێكجودا دكەین و بچووكتر لێ دكەین، پاشی دكەینە دناڤ ئامیرەی دا، دا بشێین هێشتا پارچەیێن مەزن ژێ دەربێخینین، هەروەسا ئەم گەلەك بزاڤ و پێنگاڤا دكەین بەری كۆمپۆستی دروست كەین. دا بزانین چاوا كۆمپۆستی دروست بكەین و چاوا دشێین بەرمایكان ئیدارە كەین، ئەم ڤی كاری ل دەف خوە دكەین ل وەلاتێ هۆلەندا ئەڤە ژی پێنگاڤەكا گرنگە.
ل دووماهیێ گۆت: كار نە ب تنێ پارەیە، راستە دڤێت تە پارەیەك هەبیت دا بشێی پرۆژەیەكی بكەی، بەس هندەك تشت گرێدای پارەی نە و هندەكێن دی گرێدای ئیدارەكرنا سیاسەتێ نە و رێڤەبرنێ نە، نوكەدا مە پلان هەیە ل كۆردستانێ كۆمپۆستی دروست بكەین ب شێوەیەكێ گەلەكێ باش ئەنجام بدەین.
