ل وەرزێ بهارێ پتر داخوازی ل سەر كارێن دەستی هەیە
رۆئیا رزگار، كچەكا دەست رەنگینا خەلكا سلێمانیێ، ئەڤە دو سالن دبەر خواندنا را هندەك كارێن دەستی وەك (بازنك، رستك، گۆهارك) چێدكەت، ب گۆتنا وێ داهاتەك بۆ ژێ دهێت كو بشێت باشتر خواندنا خوە ب رێڤەببەت، هەروەسا هەتا رادەكی ژی هاریكاریا مالا خوە بكەت.
ناڤهاتیێ د دیدارەكێ دا بۆ رۆژناما ئەڤرۆ گۆت: من دڤیا كارەكی بۆ خوە بكەم، ئەو ژی ژبەر دو ئەگەران، یا ئێكێ دا مەزاختیێن خوە یێن خواندنێ نەهێلمە ب هیڤیا مالێ ڤە و بارێ وان گران بكەم، یا دویێ من دڤیا ئەز هاریكاریا مال بكەم و پشتی من دەستپێكری و كارێن خوە د تۆرێن جڤاكی دا نیشاداین بكڕ هاتن و نوكە رۆژ بۆ رۆژێ پتر داخوازی ل سەر بەرهەمێن من هەنە، هەروەسا من بەرهەمێن خوە ل پێشانگەهان ژی نیشادایە و ل وەرزێ بهارێ پتر داخوازی ل سەر كارێن دەستی هەیە و دخوازم هەر كچەكا حەزا ڤی كاری هەبیت بلا بهێت و ئەز یا ئامادەمە وێ فێری كاری بكە.
