ل پارێزگەھا دھۆکێ دزی ژ مریان دھێنەکرن
ئەڤرۆ نیوز:
ل رێکەفتێ ٢٢-١٠-٢٠١٥ د روودانەکا ھاتنوچوونێ دا ل سەر رێیا گشتی یا ناڤبەرا قەزا بەردەرەش و ناحیە کەلەک، کو د ئەنجام دا پێنج کەسان جانێ خوە ژدەست دابوو و سێ ژ وان ئەندامێن ئێک خێزان بوون ١٠ ھزار دولار و دو موبایلێن گران بھا ژ وان ھاتینە دزین.
سەفوان ئیبراھیم وەلی برایێ ھەرسێ کەسێن کو د روودانێ دا جانێ خوە ژ دەست داین بۆ رۆژناما ئەڤرۆ خویا کر کو ل رێکەفتێ ٢٢-١٠-٢٠١٥ د روودانەکا ھاتنوچوونێ دا ل سەر رێیا گشتی یا ناڤبەرا قەزا بەردەرەش و ناحیە کەلەک دا دو برا و خووشکەکا وی جانێ خوە ژ دەست دان و گۆت “دەمێ روودان چێبووی ھندەک کەسێن نەنیاس ل سەر تەرمێ وان ھەل دبن و ب دەلیڤە دزانن کو ل شینا تەرمێ وان ھەلگرن و ببنە نەخوشخانێ ئەو رادبن ب دزینا ١٠ ھزار دۆلاران و دگەل دو موبایلێن گران بھا کو د بەریکێن برایێن من و خووشکا من دا بوون”.
سەفوان ئیبراھیم گۆت ژی “مە دەزگەھێن ئیمناھیێ وەک ئاسایش ل بەردەرەش ئاگەھدار کرینە ل سەر ئەو کۆژمێ پارەی کو ھاتیە دزین، بەلێ ھەتا نوکە چ ئەنجام دیار نەبووینە و ئەڤرۆ ٨١١-٢٠١٥ ب فەرمی دێ ل بنگەھێ پۆلیسێن ناحیا دارەتوو یا سەر ب قەزایا بەردەرەش ڤە سکالایێ تۆمار کەین و ئەم داخازێ ژ ھەموو کەسان دکەین ھەر پێزانینەک ھەبیت مە ئاگەھدار بکەن “.
