ل پەرلەمانێ كوردستانێ دێ كاری بۆ گەشەكرنا گەشتوگوزارێ و چاندنێ كەم
دهۆك، لەزگین جوقی:
سەردار خەلیل بێتكاری بەرواری، بەربژارێ هژمارە 31 ل سەر لیستا 190 یا پارتی دیموكراتی كوردستان بۆ رۆژنامەڤا ئەڤرۆ دیار كر ل پەرلەمانێ كوردستانێ دێ هەموو بزاڤان بۆ پشتەڤانی و بەڕەڤانیكرنا مافێن بالێندەرێن ل هەرێما كوردستانێ و پتر گەشەكرنا كەرتێ چاندنێ و گەشتوگوزارێ كەت داكو پتر پشتبەستن ل سەر چاندنێ و گەشتوگوزارێ بهێتە كرن و پتر دەلیڤەیێن كاری بۆ گەنجان پەیدا ببن».
سەردار خەلیل بێتكاری گۆت:» بۆ پشتەڤانیا خێزانێن سەرفراز یێن شەهیدان دێ كارەكێ مەزن ل پەرلەمانی ئەنجام دەن، چونكو ئەز بخۆ برایێ ئێكەم شەهیدێ فەرماندە یێ شەڕێ دژی تیرۆرستێن داعشێ مە، شەهید «بژار خەلیل بێتكاری بەرواری « ئەز گەلەك باش ئێش و ئازارێن خێزانێن شەهیدان دگەهم».
بەربژارێ هژمارا 31 ل سەر لیستا 190 یا پارتی تەكەز كر ب رێكا كەرتێ تایبەت ئەز بخۆ شیایمە گەلەك گەنج و كارمەنداك بكار بێخم، هەكە من باوەریا خەلكێ خۆ وەرگرت ل پەرلەمانێ داهاتی یێ كوردستانێ، ئێك ژ ئارمانجێن مە زێدەتر خزمەتكرنا گەنجان بیت ب یاسا بەرگریێ ژ ماف وان كەین و پتر دەلیڤەیێن كاری بۆ گەنجان پەیدا بكەین كار بكەن بۆ پێشخستنا شیانێن گەنجان و پێشخستنا كەرتێ چاندنێ، كەرتێ گەشتیاریی و هەمی تەخ و چینێن جڤاكی ب گشتی.
سەردارخەلیل بێتكاری بەرواری ئاماژە كر كو د وارێ بازرگانی و كەرتێ تایبەت دا ئەڤە چەند سالن سەربوور هەیە، لەورا ژی دەمێ باوەریا خەلكی ب مە دهێتە دان دێ وێ باوەریێ ل پەرلەمانێ ئێخینە د خزمەتا خەلكێ خۆ دا نەخاسمە ژی د وارێ بازرگانی و كەرتێ تایبەت دا و پتر پشڤەبرنا كەرتێ گەشتوگوزارێ ل هەرێما كوردستانێ كو گەلەك جهێن گەشتوگوزاری هەنە دێ وان جهێن گەشتیاری و هاڤینگەهێن گەشتیاری كەینە ژێدەر بۆ ژین و ژیارا خەلكێ خۆ ل هەموو دەڤەران، لەورا ژی ئەم دخوازین خەلكێ مە دەنكی بدەنە لیستا 190 یا پارتی و ئەڤ لیستە دێ پتر خزمەتا خەلكی د هەموو بیاڤەكی دا كەت «.
