ل ڕۆڤیا دو ئاڤاهیێن شوونواری یێن كەڤنار هاتنە دیتن
رەمەزان زەكەریا:
ل سنوورێ ناوچەداریا ڕۆڤیا دو جهێن شوونواری هاتینە دیتن، كو دیرۆكا وان بۆ حەفت هزار سالان بەری زایینێ دزڤڕیت.
هیوا شەمال، رێڤەبەرێ شوونوار و كەلەپۆرێن ئاكرێ بۆ ئەڤرۆ گۆت: “ل هەر دو جهێن شوونواری (گرێ ئاسنگەران، كانی ئەسپەهان) ل دەشتا ناڤكۆڕێ ل سنوورێ ناوچەداریا ڕۆڤیا جۆرەكێ گوزەیان هاتە دیتن، كو دروستكرنا وان بۆ بەری هەشت هزار سالان دزڤریت، هەروەسا دو ئاڤاهی ژی دیرۆكا وان بۆ بەری حەفت هزار سالان بەری زایینێ دزڤڕیت”.
گۆتژی: “شوونوارناسێن رێڤەبەرییا شوونوار و كەلەپۆرێن دهۆكێ و زانكۆیا ئۆدینە یا ئیتالێ ڤەدیتنا گوزەیێن پاقژكرنا گەنمی بۆ بەری هەشت هزار سالان ل جهێ كانی ئەسپەهان، بۆ چەرخێ بەری یێ نوو بۆ هزارا حەفتێ بەری زایینێ دزڤڕیت، هەروەسا ل گرێ ئاسنگەران ژی دو ئاڤاهیێن مەزن هاتینە دیتن بۆ بەری حەفت هزار سالان دزڤڕن”.
گۆتژی: “ئارمانج ژ پڕۆژەی زانینا چاوانیا گوهۆڕینا كۆمەلگەهێن چاندنێ یە بۆ كۆمەلگەهێن جڤاكی و دەستپێكا دروستبوونا كۆمەلگەهێن مۆدێرن”.
