ل ڤان دەمان زارۆکی ببە نەخۆشخانەیێ
د. عبدالرحمن عبدالله محسن، تایبەتمەندێ زاروکا و نەخۆشیێن خوینێ یێن زارۆکان دیارکر کو د ڤان روژان دا گەلەک زارۆک تووشی پەرسیڤێ بووینە و ئەڤێ پێلێ گەلەک زارۆک ڤەگرتینە و گۆت: پتر دەهان ڤایروس پەرسیڤێ ل نک زاروکا پەیدادکەن وەک رینو و ئەنفلوەنزا.
ل دۆر نیشانێن وانژی پێکهاتینە ژ “ تا ل ئەنفلوەنزایێ دژوارترە و کوخک و بێهنژین، ئاڤ ژ دفنێ د ئێتە دەر و دفن گرتن پەیدادبیت، سەرئێشان و هندەک جارا دلرابوون و کەسێ تووش دبیت پێدڤیە زێدە ئاڤێ ڤەخۆت دگەل خوارنا شلەمەنیا و خارنێن روهن وەک شوربە و عصیر و کێمکرنا گەرماتیا لەشی ب رێیا پاراسیتولێ و کەمادێن تەزی د ب کارئینانا دروبا نورمال سێلان بو ڤەکرنا دفنێ.
د.عبدالرحمن عبدالله د بەرسڤا پرسیارەکێ دا، دێ کەنگی سەرەدانا خەستێ و نۆشداری کەی؟ گۆت:هەکە خارنێ نەخۆت و دلرابوونا زێدە هەبیت، گازندە ژ سەرئێشان و گوهـئێشانا دژوار.، بێهنتەنگی، کوخکا بەردەوام یان کوخکا ب بەلغەمێ خوین د ناڤ دا.
و هەکە پلا گەرماتیێ ژ ٣٨ و نیڤێ دەرباز بوو، یان پشتی دو روژا چ باشی نەکەت حالەتێ وی دگەل ئێشانا دژوار یا ماسولکان و ئازار ژ دیتنا روناهیێ، دەرکەفتنا هندەک پرسک یان هەر خلتەک ل پیستێ زاروکی.
