ل ڤان نێزیکان دێ كلیپا وێ به‌لاڤ بیت
ئه‌ڤرۆ نیۆز،زنار تۆڤى:
خانما سترانبێژ رۆژبین كزل كو خه‌لكا باکۆرێ كوردستانێ یە ل ڤان نێزیكان دێ كلیپا خوه یا نوو به‌لاڤ كه‌ت و د دیداره‌كێدا بۆ ئه‌ڤرۆ نیۆز دبێژیت:نوكه كلیپا من یا نوو یا به‌رهه‌ڤه و ناڤه‌رۆكا وێ ژى ل سه‌ر ئه‌ڤینیا كور و كچه‌كا كورده و دڤێ سترانێ دا كچ ئه‌ڤینیا خوه بۆ كورى دیار دكه‌ت،رۆژبینێ دیاركر ژى:ناڤێ سترانا من یا نوو”لاو دینۆ”یه،هه‌روه‌سا من ئه‌ڤ سترانه ل باژێرێ مێردینێ ل كوردستانا باكۆر وێنه‌كریه و كارێ ده‌رهێنانا ڤێ كلیپێ ژ لایێ وه‌دات ئالینجا ڤه هاتیه‌كرن،دیسا ئه‌ڤ سترانه ژ په‌یڤ و ئاوازێن من ب خوه یه و نوكه ژى چه‌ندین كارێن دى یێن هونه‌رى ل به‌ر ده‌ستێ من هه‌نه و كار ل سه‌ر دكه‌م.
رۆژبین كزل د ژیێ 17 سالیێ دایه و خه‌لكا ده‌ڤه‌را”گرێ میرا” یه،یا سه‌ر ب باژێرێ نسێبینێ ڤه ل باكۆرێ کوردستانێ،لێ نوكه ئه‌و ل گه‌ل خێزانا خوه ل ئه‌لمانیا دژیت،هه‌روه‌سا هه‌تاكو نوكه وێ چه‌ندین سترانێن سینگل و كلیپ چێكرینه.
