ل ڤی گوندەی مار و حەشەران زورن
ئەڤرو نیوز ، سەباح زھێر زێباری:
ھژمارەکا قوتابخانێن دەڤەرا نەھلێ نەھاتینە نوژەنکرن و مەترسیا ھەرڤینێ ل سەر ھەیە ژبەر کو ئاڤاھیێن وان دکەڤنن و بویە ئەگەرا ھندێ کومار و دویپشک و حەشەرات دناڤ ھژمارەکا قوتابخانادا پەیداببن ترسێ دقوتابخانێ دا پەیدابکەن.
عەکان عبدالسلام ئێک ژ ھاولاتیێن گوندێ گومانایە ل دەڤەرا نەھلێ بۆ ئەڤرو نیوز دیارکر کو ئاڤاھیێ قوتابخانا گۆندێ وان یا کەڤنە و مەترسیا کەفتنێ هەیە و گۆت: (ژبەر ئاڤاھیێ قوتابخانێ ئاخە بوویە جھێ ھندێ کو مارو دویپشک و حەشەرات دناف قوتابخانێ دا پەیدابن کو تنێ ئەڤ سالەدا پێنج مار دقوتابخانێ ڤە ھاتینە کوشتن کو ئەڤە ژی دێ ترسێ دناڤ قوتابخانێ دا بۆ قوتابیان پەیداکەت،لەما ئەم داخازێ ژ حکومەتێ دکەین کو چارەیەکێ بۆ ڤان قوتابخانان ببینیت نوژەن بکەن داکو ئەڤ مەترسیە ل سەر قوتابیان نەمینبت،ھەرچەندە جھێن پەیوەندیدارچەندین جاران سوزدایە کو دێ ئەڤ قوتابخانە ھێَنە نوژەنکرن لێ ھەتا نھا چ دیار نینە وەک خوماینە.
