ل ڤێ زڤستانێ کارەب ل سەر خەلکێ لێقەومیێ کرمانشانێ هاتە بڕین
ئەڤرۆ نیوز:
محەمەد سەدیقی رۆژنامەڤانێ کورد ل رۆژهەلاتێ کوردستانێ بۆ ئەڤرۆ نیوز راگەهاند کو ب بریارا پارێزگەهێ کرمانشانێ دو رۆژن کارەب ل خەلکێ لێقەومی یێ بیڤەلەرزا کرمانشانێ هاتیە بڕین و ل ڤێ سەرمایا زڤستانێ ژ بەر بێ کارەبیێ چەندین زارۆ نەخوەش کەفتینە و گۆت: (پارێزگارێ کرمانشانێ دبێژیت خەلکی پارە نەداینە و خەلک ژی دبێژن هەموو مال و داهاتێ مە ژ بەر بیڤەلەرزێ ژناڤ چوویە و ئەم بێکارین و مە چو داهاتەک نینە هەتا پارێ کارەبێ بدەین).
ناڤهاتی راگەهاند کو هەتا نها رێژەکا باش یا هاریکاریان بۆ خەلکێ لێقەومی یێ بیڤەرلەرزا کرمانشانێ هاتبوو کۆمکرن لێ مخابن پارە نەگەهشتە دەستێ خەلکی و گەلەک سازیێن دەولەتێ پارە دزین و نها ژی رەوشا خەلکی رۆژ ب رۆژێ خرابتر لێ دهێت.
