ل کۆمەلگەھا خانکێ نۆشدارێن ئەمریکی چارەسەریا ئاواران دکەن
ئەڤرو نیوز، ئەمیر ئەترووشی:
ل کۆمەلگەھا خانکێ، چارەسەری بۆ کۆمەکا مەزن یا نەخۆشان ژ لایێ کۆمەکا نۆشدارێن ئەمریکی ڤە ھاتە کرن.
شەمۆ قاسم، بەرپرسێ پشکا رەوشەنبیری ل دەستەیا بنگەھێ لالش یێ رەوشەنبیری و جڤاکی بۆ ئەڤرۆ نیوز دیار کر کو بنگەھێ لالش تایێ خانکێ ب ھەماھەنگی دگەل رێکخراوا (habibi international ) ل ھۆلا لالش رابوون ب چارەسەریا کۆمەکا مەزن یا نەخۆشان کو ژ لایێ کۆمەکا نۆشدارێن ئەمریکی ڤە ھاتە کرن و دەرمانێن فەر پێشکێشی وان کرن و چارەسەری بۆ دەمێ چار رۆژان یا بەردەوام بوو.
ئاشکرا ژی کر کو ئەڤ پێنگاڤە ھات بۆ ھاریکاریکرنا ڤان نەخۆشان و ئەوێن زۆرینەیا وان د کاودانێن ئابووری و ژیانیێ یێن ب زەحمەت دا دژین کو ھاریکار نینە سەرەدانا نۆشداران بکن ل باژێران و گۆت: “رێکخراوا ناڤبری سۆز دا بەردەوام بیت ل سەر کارێ خوە د بیاڤێ خزمەتێن ساخلەمیێ دا ل پاشەرۆژێ ب ھەماھەنگی دگەل بنگەھێ لالش”.
