ل گه‌ل ماران دژیت و گوشتێ سور و یێ مریشكان د ده‌تێ
بارزان، ره‌مه‌زان زه‌كه‌ریا:
ره‌حیم نه‌جمه‌دین ئه‌حمه‌د، وه‌لاتیه‌كێ ده‌ڤه‌ری بارزانه، بۆ ده‌مێ چه‌ند سالانه مارا دناڤ مالدا ب خۆدان دكه‌ت، ددیداره‌كێ بۆ ئه‌ڤرۆ دبێژیت: ئه‌ڤه بۆ ده‌مێ چه‌ندین سالایه وه‌ك حه‌زه‌ك ل مالدا مارا ب خۆدان دكه‌م ل هه‌ردو ره‌گه‌زێن نێر و مێ ئه‌ڤ مارێن ل مالدا ب خۆدان دكه‌م دروستن به‌لێ ژه‌هر نینه مه‌ترسی ژی نینه خوارنا وان سه‌ره‌كی گوشتێ سور و مریشكه.
زێده‌تر گۆت: سروشتی ماران وه‌سایه كو زوو ب زوو برسی نابن هه‌ر ده‌هـ رۆژان جاره‌كێ خوارنێ بۆ دروست دكه‌م، ئه‌ڤ جۆره مارێن ئه‌ز ب خۆدان دكه‌م ل ناڤ سروشتێ كوردستانێ نینن، ب تنێ ل ناڤه‌راست و باشوورێ ئه‌مریكا ل ناڤ دارستانا دا هه‌نه، ل ده‌ستپێكی ژیێ ماران چار هه‌یڤ بوون و ده‌مێ چارسالانه ب خۆدان دكه‌م ژیێ وان هه‌تا 25 سالایه بێ ده‌نگ و ژه‌هر زیانن، ل گه‌ل خوه دناڤ ژۆرا نڤستنێ ب خۆدان دكه‌م و پێكڤه دژین، درێژاهیا ماران مه‌تره‌ك و 80 سم ده‌مێ ب ته‌مامی مه‌زن دبن دگه‌هیته سێ مه‌تران ، ماران پتری خوارنێ پێدڤی بلندبوونا پله‌یێن گه‌رمێ هه‌یه، نابیت ب چو ره‌نگان جهێ وان ساربیت، سالانه چه‌ندین جاران كه‌ڤلێ خوه دگوهۆڕن، نوژدارێن كورده‌واری مفای ژ كه‌ڤلێ وان دبینن بۆ ده‌رمانان و گه‌له‌ك خه‌لك ژوانا گه‌شتیارێن بیانی به‌رده‌وام بۆ دیتنا مارێن سه‌ردانا مالا مه دكه‌ن .
ل دووماهیێ گۆت:من گه‌له‌ك پێزانین ل سه‌ر ماران كۆمكرینه و به‌رهه‌ڤم پشكداری ڤه‌كۆلینان بم ل سه‌ر ماران و رۆژانه بۆ دیتنا ماران سه‌ره‌دانا چیا دكه‌م چه‌ندین جۆره مارێن ژه‌هراوی و بێ ژه‌هر دبینم پشتی تۆماركرنا پێزانینان به‌رده‌مه ڤه.
