ل گەل وێنەیێن كەسۆكی یا ئارامە
هەرهین محەمەد:
نیگاركێشا گەنج (هودا شەریف) د ددیدارەكێ دا بۆ رۆژنامەیا ئەڤرۆ گۆت ژ زارۆكینی من حەزا وێنەكێشانێ هەبوویە، بەلێ ژ دەستپێكا هاتنا كورۆنایێ كو خەلك ژ مالێن خوە نە دەردكەفتن، ل وی دەمی من كاغەزو پێنڤیس ئینان و هەموو دەمێ خوە دا وێنەكێشانێ ب تایبەتی وێنەیێن كەسوكی ب رساسی و دبیت چاڤەكی چێكەم بۆ من خۆشترە ژ وێنەكێ سرۆشتی ل وی دەمی دبیت هەتا دو رۆژان من ل سەر وێنەیەكی كاركربا هەتا كو من ب دووماهی ئینابا و د نوكە دا د دو دەمژمێران دا ب دووماهی دئینم و ل گەل چێكرنا وێنەیێن كەسوكی زەخرەفەیان ژی دروست دكەم.
هەروەسا گۆت: گەلەك ئارامترم ل بەر وێنەیەكی چێكەم ژ وێ چەندێ كو كەسەك ب راوەستیت و لبەر چێكەم و هەكە ل بەر وێنەی چێكەم پتر ل سەر كاردكەم و دبیت هەكە ب دلی وی بیت گۆهۆڕینان ژی تێدا بكەم، بەلێ هەكە ب راوەستیت دبیت دو دەمژمێران خوە نەگریت و ب وەستیت و هونەرێ نیگاركێشیێ نە مەرجە ئەكادیمی بیت و مە گەلەك كەس هەنە و شێوەكارن و نە ئەكادیمی نە و كارەكێ جوان نیشاددەن و و هەكە مرۆڤی حەز هەبیت ب راهێنانان رۆژ بۆ رۆژێ دێ باشترلێ هێت و من گەلەك مفا ژ سۆشیالێ دیتیە و بۆ من بوویە دەرگەهەكە كارێ خوە تێدا نیشا ددەم و خەلك ژی داخواز دكەن وێنەیێن وان دروستكەم و ئەوی كاری بێ بەرانبەر ناكەم، چونكو هەركارەكێ مرۆڤ بكەت و داهاتەك ژێ بهێت مرۆڤ پتر داهێنانان دكەت و بەردەوامیێ ددەتێ.
