ماجیدا ئیبراهیم: من ل به‌ره په‌رتووكخانه‌كێ ل زاخۆ ڤه‌كه‌م
دهۆك، شاكر ئه‌تروشی:
ماجیدا ئیبراهیم، میدیاكارا به‌رنیاسا باژێرێ زاخۆ، د دیداره‌كێ دا بۆ رۆژناما ئه‌ڤرۆ گۆت: دووماهی ده‌ركه‌فتنا من ل سه‌ر شاشێ ل سالا 2019 ل كه‌نالێ چارچرا بوو، دووڤدا ناڤێ كه‌نالێ هاته گوهۆرێن و بۆ (زاخۆ ) له‌ورا ئه‌ز ژ شاشێ دووركه‌فتم، پاشان بۆ ده‌مێ چه‌ند هه‌یڤان بۆمه په‌یامنێرا مالپه‌رێ گاڤ نیۆز ل باژێرێ زاخۆ، دووڤدا ئه‌زچوومه په‌یجێ بزاڤ و من به‌رنامه‌ك ب ناڤێ (ئارمانج و هیڤی) ئاماده و پێشكێش دكر، من ئه‌و هه‌ردو هێلان، چنكو ئه‌ز قوتابی بووم و من پێدڤی ب خواندنێ هه‌بوو، نوكه بۆ گۆڤارا رۆژا مه كو ل دهۆكێ ده‌ردكه‌ڤیت كار دكه‌م، ئانكو ئه‌ز په‌یامنێرا وانم ل باژێرێ زاخۆ.
هه‌روه‌سا گۆت: ده‌مه‌كی ل جهه‌كێ گونجای دگه‌ریێن دا په‌رتووكخانه‌كێ ڤه‌كه‌م، كارێ مه ل وێ په‌رتووكخانێ دێ چاپكرنا پرتووكێن نڤیسه‌ران بیت ب زمانێن كوردی و عه‌ره‌بی و ئنگلیزی و دێ ده‌ست ب پرۆژێ خوه كه‌ین، نوكه مه جهه‌ك ل ناڤ زانكۆیا زاخۆ هه‌یه و پلانا كاری ژی هاتیه دانان و هیڤیا من ئه‌وه ئه‌م بشیێن دوارێ ئه‌ده‌بی و كلتۆری دا خزمه‌تا زاخۆ و هه‌موو ده‌ڤه‌را به‌هدینان بكه‌ین.
ناڤهاتی ل سالا 1998 ل باژێرێ زاخۆ ژدایكبوویه، ل 2017 هاتیه ناڤ وارێ راگه‌هاندنێ و وێستگه‌ها وێ یا ئێكێ ده‌زگه‌هێ چار چرا بوویه.
