مارسێلۆ ب گریڤه: خاتر خواستنا دووماهیێ نابیت
ئه‌ڤرۆ،
د ئاهنگه‌كا تایبه‌ت دا ستێرێ به‌رازیلی مارسێلۆ خاتر خوه ژ یانا ریال مه‌درید یا ئسپانی خواست پشتی 15 سالان وه‌كو یاریزان ل وێ یانێ یاری ئه‌نجامداین.
د په‌یڤا خوه دا مارسێلۆیی گۆت: سۆپاسیا یانا ریال مه‌درید و هه‌موو هه‌ڤالێن خوه دكه‌م ئه‌ز یێ ب چه‌نس بووم من یاری لڤێ یانێ و ل گه‌ل چه‌ندین یاریزان و راهێنه‌ران كری، ل گه‌ل باشترین یانا جیهانێ بووم و خێزانا من هه‌رده‌م پشته‌ڤان بوون كو هێزه‌ك دابوو من، من مێژوو ل ریالێ تۆماركریه ب ده‌ستڤه ئینانا چه‌ندین ناسناڤێن مه‌زن، ئه‌ڤرۆ رۆژه‌كا نه‌خووشه خاتر خواستنه لێ كه‌یفخووشم دووماهیه‌كا جوانه، ئه‌ڤه نه خاتر خواستنا دووماهیێ یه دێ به‌رده‌وامبم ل گه‌ل یانێ و من دو زارووك هه‌نه دێ بزاڤێ كه‌م ل ڤێ یانێ مه‌زن بن.
یاریزان مارسێلۆ ب گرێبه‌ستا 6.5 ملیۆن یۆرۆیان ل سالا 2007 ژ یانا فلۆمینێنس یا به‌رازیلی هاتبوو ریال مه‌درید.
