ماریا شوكری: د وارێ هونەری دا ژن پتر داهێنانێ دكەن
ماریا شوكری رەمەزان، شێوەكارەكە بۆ رۆژناما ئەڤرۆ دبێژیت: هەر چەندە من پشكا شێوەكاری نەخواندیە، بەلێ ژبەر حەزا من یا زێدە بۆ هونەرێ شێوەكاری و وەرگرتنا چەندین خولان، ئەز بوومە شێوەكارە و كارێ من یێ سەرەكی دروارە، ل گەل هندێ كارێ شێوەكاریێ و سیرامیكی و كارێ دەستی ژی دكەم ژ زارۆكاتیا خوە من حەز ژ كارێ چێكرنا وێنەیان كرییە و هەتا نوكە یا بەردەوامم.
ناڤهاتیێ گۆت: ناڤەرۆكا پرانیا كەڤالێن ئەز چێدكەم ل سەر سرۆشتێ كوردستانێ نە، ل گەل هندێ ژی من جهەكێ تایبەت ژی ل مال هەیە، كارێن خۆ یێن هونەری ل مال چێدكەم و ب دیتنا من نوكە هونەرێ شێوەكاری و سیرامیك ل پارێزگەها دهۆكێ د ئاستەكێ باش دانە و كارێن گەلەك باش هاتینە چێكرن، ل گەل هندێ من هزر ل هندێ كریە كو ئەز هندەك كاران دروست بكەم، كو ل هندەك جهان بهێنە دانان و مە گەلەك كچێن خودان شیان هەنە و گەلەك كارێن ژ هەژی و سەركەفتی ئەنجامداینە و مرۆڤ شانازیێ ب كارێن وان دبەت، ئەڤە وێ چەندێ دگەهینیت، كو د وارێ هونەری دا چ جۆداهی دناڤبەرا كوڕ و كچان دا نینە و چ رێگری ل هەمبەری كارێ مە نینە و ژن پتر داهێنانێ د وارێن هونەری دا دكەن.
