ماستەرپلانا باتیفا دێ هێتە گوهۆڕین و ڕێكخستن
زاخۆ، دلۆڤان هالۆ:
فەرهاد مەحموود، دەڤەردارێ باتیفا بۆ ڕۆژناما ئەڤرۆ دیاركر كو دوهی 16/12/2025 ب ئامادەبوونا چەندین دام و دەزگەهێن حكومی یێن پەیوەندیدار كۆمبوونەك ل دەڤەرداریا باتیفا ل دۆر ماستەرپلانا دەڤەرداریا باتیفا هاتە كرن.
دەڤەردارێ باتیفا ئاماژە ب وێ چەندێ ژی كر كو د ڤێ كۆمبوونێ دا بەحس ل گوهۆڕین و رێكخستنا ماستەرپلانا دەڤەرداریا باتیفا هاتە كرن بو وێ چەندێ، باتیفا بەرەڤ سیمایەكێ جوان ڤە ببەت و پڕۆژەیێن گرنگ لێ بهێنە ئەنجامدان.
فەرهادی گۆت: «ل دووڤ وێ ماستەرپلانا پێشتر، ئەم نەدشیاین گەلەك پڕۆژەیان بجهبینین، لێ ب گوهۆڕین و ڕێكخستنا ڤێ ماستەرپلانێ پڕۆژەیێن زێدەتر و مەزنتر ل دەڤەرداریا باتیفا دێ هێنە بجهئینان و پتر خزمەتا ڤێ دەڤەرێ هێتە كرن».
