ماسک بۆ پاراستن و پاڤژکرنا پیستێ ب دوھن
پیستێ دوھنی تایبەتمەندیەکا ھەی ژ بۆ خودانێن پیستێن دوھنی ئەڤە چەند شیرەتەکن:
*پاقژ راگرتنا پستی ھەردەم.
*بکارئینانا پاقژکەرێن پیستی یێن کو بھنێن دەستکرد تێدا نەبن.
*بکار نەئینانا سابوونێ بۆ پیستێ دوھنی چونکو رەنگە سروشتێ پیستی بگوھۆڕیت.
*پاقژکرنا دێمی رۆژێ سێ جاران و بەری نڤستنێ و پشتی ژ خەو رابوونێ ئێکسەر .
*بکارئینانا ئاڤا تێنشیر ل دەمێ شووشتنێ و ئاڤا تەزی ل دەمێ جاراڤکرنێ.
ئەڤە ژی سێ ماسک بۆ دێمێ دوھنی:
١_ماسکێ موزێ:ئێک موز،کەچکەکێ بچووک یێ ھنگڤینێ سپی، کەچکەکێ ئاڤا میموکێ. ڤان کەرەستان تێکەل بکە و ل دێم و حەفکا خوە بدە و پشتی ٢٠ خولەکان ب ئاڤا تەزی بشۆ.
٢_ماسکێ فراولایێ:
سێ پرتێن فراولایێ د گەل سپیلکا ھێکەکێ،کەچکەکێ ئاڤا میموکا، کەچکەکێ ماستی دێ فراولایێن خوە باش ھیر کەی و پاشی سپیلکا ھێکێ کەیە د گەل و تێکڤەدەی ھەتا کو دبیتە کەف پاشی کەلوپەلێن دی کەیە د ناڤ دا و بۆ ماوێ ١٠ ھەتا ٢٠ خولەکان بھێلە ل سەر دێم و حەفکا خوە و پاشی ب ئاڤا تەزی بشۆ.
٣_ماسکێ خیاری :نیڤ خیار د گەل کەچکەکێ ئاڤا میموکا د گەل سپیلکەکا ھێکێ ل ئامیرێ کارەبێ بدە ھەتا کو دبیتە شەربەت و پاشی ل دێم و حەفکا خوە بدە و بۆ ماوێ ١٠ ھەتا ٢٠ خولەکان بھێلە و ب ئاڤا تەزی بشۆ.
ئەڤان ھەرسێ ماسکان تو دشێی حەفتیێ جارەکێ یان دوو چاران بکار بینی و گەلەک مفای دگەھیننە پیشتێ دوھنی.
