ماسیا جڕی ژ دهۆكێ بۆ مووسل دهێتە ڤەگوهاستن
، هەرهین محەمەد:
فرۆشیارەكێ ماسیان دیار كر، بەری نوكە رۆژانە نێزیكی 150 كیلویێن ماسیان بۆ بازارێ گۆشت فرۆشان دهاتن و نوكە گەلەكا كێم بووی و ب تنێ خەلك دهێن بۆ مال د دوهنی دا ب قەلینن یان بۆ سەر پەلا دبەن.
هشیار عەبدوللا، فرۆشیارێ ماسیایە ل بازارێن كوشت فروشان بۆ رۆژنامەیا ئەڤرۆ گۆت: هەر جۆرەكێ ماسیان بهایێ خوە هەیە و بهایێ وان گەلەك گران نەبوویە، بەلێ ب تنێ ماسیا جری گرانبوویە، چونكو عەرەبێن مووسل گەلەك داخوازدكەن و حەز ژ وی جۆری دكەن و ل ڤێ دووماهیێ گەلەك ماسیا جری دچیتە مووسل، چونكو یا بێ هەستیە و ئەڤ ماسیە بۆ مە ژ ئیرانی و توركیا دهێن و هندەك جاران ژ سكرێ مووسل دهێن.
محەمەد شوكری، ل هەمان جه یێ ئامادەبوو بۆ كرینا ماسیان دبێژیت: هەیڤێ دوو سێ جاران دهێمە بازارێ گوشتفرۆشان بۆ كرینا ماسیان و ب تایبەت ماسیێن ژ جۆرێ شەبۆت یان كارب دكرم، چونكو تاما وان گەلەك یا خۆشە ب تایبەتی دەمێ دناڤ زەیتێ دا بهێنە قەلاندن.
شیمال عەبدوللا، بسپور د وارێ ئابووری دا دبێژیت: گرانبوونا ماسیان د بازاری دا كارتێكرنا خوە ل سەر گەلەك لایان هەیە وەك ماسی گران و بكران و فرۆشیارن، وەكو زنجیرەكێ یە ب ئێك ڤە دگرێداینە و كێمبوونا ماسیان ئەگەرێ سەرەكیێ گرانبوونێ یە و دەمێ كەل و پەلەكێ خوارنێ، یان هەرتشتەكێ بیت د بازاری دا نەمینت ئێكسەر گران دبیت و كارتێكرنێ ل فرۆشیاری و بكری دكەت و گەلەك جاران هێك د بازاری دا كێمبوویە و ئێكسەر چوار هێك چووینە ب هزاردیناران و ئەڤە ژی تشتەكێ نورمالە ژلایەكێ دی ڤە.
