مافپهروهرهك: ههلگرتنا چهكێ بێ مولهت ئهگهرێ زێدهبوونا كوشتنێ یه
ههولێر، قائید میرو:
تاوانێن كوشتنێ و خوه كوشتنێ ب چهكی بهر ب زێدهبوونێ نه و مافپهروهركی ئاماژه پێ كر كو ههبوون و ههلگرتنا زور یا چهكی د دهستێ وهلاتیاندا ئهگهرێ سهرهكیێ ئهنجامدانا تاوانایه و دبێژیت: پێدڤیه لایهنێن پهیوهندیدار سنورهكی بو بازارێ چهكی دانن.
مافپهروهر جهواد مستهفا ستوپهیی بو روژناما ئهڤرو دیار كر، بهردهوام ل كوردستانێ تاوانێن كوشتن و بریندار كرنێ دهێنه ئهنجامدان و ئهڤ تاوانه بهر ب زێدهبوونێ دچن، د ههمان دهمدا زور جاران تومهتبار ناهێته سزادان و گۆت: (ئهڤجا دڤێت قانوون سهروهر بیت و ب یهكسانی ل سهر ههموو لایهن و چین و توێژێن جڤاكی دا وهكو ئێك بهێته جێبهجێ كرن، نهك یێن بێ هێز بكهڤنێ و یێن خودان هێز لێ دهرباز ببن، ژبهركو چهك یێ بوویه كالایهكی بازرگانی كرنێ و خوه پێ دهرخستنێ و هێمایێ مێرخاسیێ د جڤاكی دا، ژبهرهندێ ئهركێ سهرهكیێ وهزارهتا ناڤخویه قانوون و رێنمایێن توند دهركهت بو سزادانا ئهو كهسێن چهكێ بێ مولهت ههلدگرن، ههروهسا پێدڤیه وهزارهتا ناڤخو بو پێدانا مولهتێَ بو هاولاتیان مهرج و رێكارێن ب زهحمهت دانیت دا ههر كهسهك نهشێت بساناهی مولهتا ههلگرتنا ب دهستخوڤه بینیت).
مافپهروهری ئاماژه پێ كر كو ژ ئالیهكێ دیڤه ئهركێ وهزارهتا داده دهمێ ههر بریارهكا سێدارهدانێ ل دادگههێن ههرێمێ دهردچیت، پشتی تهمام بوونا دهمێ قانوونی، ژ ئالیێ سهروكێ ههرێمێ ڤه بیهَته ئیمزا كرن و بهێته جێبهجێ كرن و گۆت: (چونكی ئهو كهسێ خهلكی دكوژیت ههكه بزانیت دێ ئهو ژی هێته كوشتن ئهو قهت كهسهكی ناكوژیت و نابیته ئهگهرێ بهلاڤ بوونا تاوانا و تێكچونا بارێ ئاسایشا گشتیا وهلاتی، بهلكو بهروڤاژی ئهڤ پێنگاڤه دێ بیته ئهگهرێ بهلاڤبوونا ئاشتی و ئارامیێ دناڤ وهلاتیان).
ستوپهیی دیار كر كو ههلگرتنا چهكی نیشانا باوهری بخو نهبوونێ یه، ههروهسا د بازرگانی كرنێ دا دبیت پیڤهرێ سهرهكیێ بازرگانی رهوشت بیت نهك پاره و گۆت: (ئهگهرێن سهرهكی یێن زوربوونا رێژا كوشتنێ ل كوردستانێ، ههبوونا رێژهكا زور یا چهكی د دهستێ هاولاتیادا، ههروهسا گیرو كرنا جێبهجێ كرنا بریارێن سێدارهدانێ یێن كو ژ دادگههێن ههرێما كوردستانێ دهردچن و نهبوونا پلانهكا موكم و پێشكهفتی بو وان كهسێن چهكێ قانوونی د ههلگرن، ئهڤجا پێدڤیه بازاڕێ چهكی بهێته سنوردار كرن و ب سیستماتیك كرن.)
جهواد مستهفا ستوپهیی گوتژی: (ههر چهكهكێ دهێته كڕین و فروتن دڤێت ب شێوهیهكێ فهرمی ناڤ و ژماره و كود و كودێ ههر فیشهكهكێ ل سهر ناڤێ خودانێ چهكی بهێته تومار كرن، وهكی وهلاتێن پێشكهفتی، دا ههكو كهسهك تاوانهكێ ئهنجام ددهت ب زوترین دهم بهێته دهستهسهر كرن).