مافێ ئافرەت مافێ ژیانێیە
چرا رەمەزان
دەما ئافرەت ب هێز دبیت جڤاك بهێزتر دبیت، چونكی ئافرەت هێزە، جوانییە و بۆ جڤاكێ رۆناهی یە. ئەم یێن ل هەشتی مارس رۆژا جیهانیا ئافرەتان رۆژەك بوویە رەمزا خەباتا ئافرەتان، رێزگرتنا هەشتی مارس ڕێزگرتنە ل خەباتا زێدەتر ل دو سەدەیان؛ ئافرەتان بۆ نەهێشتنا زولم وزۆرداری لێكرن و توندوتیژی و خوارنا مافێن ئافرەتان، هەروەك ڕۆس بەدەر گینسبێرگ»دبێژە ژنان سەرەرای هەمی تشتان مافێ یەكسانیێ یێ هەی. ل ڤێرێ دا ب كورتی دیرۆكا ئەڤێ بۆیەرێ بەحس دكەین كو بوویە ئەگەرێ هندێ؛ ئیرۆ ل دنیایێ دا بهێتە ناسین و رۆژەكا دیاریكری هەبە بناڤێ هەشتی مارس؛ وەك چاوا، ٢٥نۆڤەمبەر. هاتیە دیاریكرن بۆ رۆژا توندوتیژی ل هەنبەر ئافرەتان؛ ب هەمان شێوە هەشتی مارس هاتیە دیاریكرن ب رۆژا جیهانیا ئافرەتان، رۆژا جیهانیا ئافرەتان بتنێ بیرەوەرییەكا فەرمی نینە، بەلكو ئەڤ رۆژە هێما یان ( نیشانا) دیرۆكەكا درێژە ژ خەبات و تێكۆشانێ دا و هیڤیێن مەزن و گوهۆرینێن جڤاكینە. ئەڤ ڕۆژە ل دەستپێكا سەدەیا بیستێ، ژبەر خەباتا ئافرەتێن كرێكار ل نیۆیۆڕكێ هاتیە دامەزراندن، هەر وەسا ل وێ دەمی دا داخوازا مافێ كاركرن و دادپەروەریێ هاتە دەنگڤەدان. پشتی ل سالا ١٩٧٧ دا، ڕێكخراوا نەتەوەیێن ئێكگرتی ب فەرمی ئەڤ ڕۆژە وەك رۆژا جیهانیا ئافرەتان دیاركر و هاتە ناساندن. لێ هەشتی مارس بتنێ بەحسا مێژوویێ ناكەت؛ بەلكو بەحسا نها دكەت ئافرەت ل هەمی جهێن جیهانێ دا، ل مال هەتا ناڤ مەیدانێن سیاسی و زانستی و ڕەوشەنبیری و هونەری، ڕۆلەكا كاریگەر و بەرچاڤ دگێڕن. ل جڤاكا كوردی دا، ئافرەت نیشانا خۆڕاگری و بەرپرسیارەتیێ بوویە؛ بووینە دایك و مامۆستا و نڤیسەر و چالاكڤان و مافێن مرۆڤی دا هەتا پێشمەرگە و ڕێبەرێن جڤاكی بووینە.. هتد.
ئەڤ ڕۆژە بانگەوازیە بۆ دەلیڤەیێن خواندن و كار و پشكداریكرن ل بڕیاران دا هاتە ئەنجامدان. رۆژا جیهانیا ئافرەتان هەولەكە بۆ بیرخستنا هندێ كو گەشەیێن كار و چالاكیێن هیچ جڤاكەكا بێ پشكداریكرنا ئافرەتێ دروست نابیت و بڕێڤە ناچیت و ناهێتە ئەنجامدان. دەما ئافرەت ب هێزدبیت؛ جڤاك بهێزتر دبیت. ژ لایێ ڕەوشەنبیری ڤە، هەشتی مارس دەرفەتەكە بۆ هەلسەنگاندنا ئەڤ باوەر و دابونەریتێن كو هێشتا ئاستەنگ ل بەرانبەر ئافرەتێ چێدبن، ل هەنبەر ئازادیا وان و خوارنا مافێن وان. ئەڤ ڕۆژە هاندانە بۆ دانوستاندن بۆ فێربوون و بۆ گوهۆڕینا ئاراستەیا وان بەرانبەر دادپەروەری و ئازادی.
ل دوماهیێ دا، هەشتی مارس تنێ پیرۆزباهی نینە؛ بەلكو پەیامە، پەیاما ئەڤێ كو خەبات و تێكوشان بۆ ماف و كەرامەتا وان بەردەوامە، و هەر نفشەك بەرپرسیارە ژ ڤێ چەندێ كو نفشەكێ دی بەر ب پێشڤە ڤە ببەت، ڕێزگرتن ل ئافرەتێ ڕێزگرتنە ل ژیانێ؛ چونكی ئافرەت ژێدەرێ ژیانێ و گەشێ و هیڤیانە.
