ماكلاوگلین نمرا پیڤایی شكاند
ئهڤرۆ،
ستێرا ئهمریكی و یاریزانا یاریێن مهیدانێ سێدنی ماكلاوگلین شیا میدالیا زێری و نمرا پیڤایی یا بهریكانا 400م ئاستهنگ ب دهستڤه بینیت و ب شكێنت، ژ چارچووڤێ ههڤڕكیێن قارهمانیا جیهانێ بۆ یاریێن مهیدانێ ئهوا نوكه باژێرێ یۆجین ل ویلایهتێن ئێگرتیا ئهمریكا مێڤانداریا وێ دكهت.
ماكلاوگلین یا 22 سالی شیا بۆ دهمێ 50 چڕكه و 68 پشك ژ چڕكهكێ رێزا ئێكێ بهێت و نمرا قارهمانا بوری بشێنیت و پێشكهڤیت ل سهر ههر ئێك ژ یا هولهندی ڤیمكی بۆل و ههڤالا خوه دهلیلا محهمهد ئهوێن رێزێن دویێ و سێیێ هاتین كو دبیته جارا چارێ ستێرا ئهمریكی نمرا پیڤایی بشكێنیت و ئێكهم یاریزانا كچه لهزترین دهم تۆماربكهت ل سهر ئاستێ جیهانێ و 100 هزار دولاران وهكو دیاری وهربگریت.
قارهمانا ئهمریكی شیایه ههر ژ ئاستێ تازهپێگههشتیان و لاوان و پێشكهفتیان ناسناڤ و نمرێن جودا دهستخوهڤه بینت تایبهت ئۆلمپیادا تۆكیۆ سێ نمرێن پیڤایی شكاند بوون.
