ماك و میناك
ئه‌مین بۆتانی
كی دزانه كانێ برین
ماكا ڤان كولیلكێن سۆره
چاوا رۆندك بۆ داپیركا
ده‌ریا خه‌مێن بێ سینۆره
كیژ سیناهی كیژان غوربه‌ت
بناسا بیبیكێن كۆره
٭
گه‌ڕیام گه‌ڕیام برین برین
من بڕێڤه حه‌سره‌ت و مراز
چاڤێن گری ساخێن مری
دلێن تژی خه‌ون و داخواز
هناڤێن وان پرتی پرتی
مرۆڤێن ره‌به‌ن و بێناز
٭
كێ باوه‌ر دكر كانێ چرا
ناڤێ دایكا تاریێ بوو
ما كی دزانه كانێ راستی
چیڕۆكا ڤێ یاریێ بوو
سه‌ت مخابن مه‌عریفه‌ت ژی
شاگردا بێزاریێ بوو
٭
دچم دچم تاری تاری
بڕێڤه د وه‌ریێن خه‌ون هه‌زار
ئه‌ڤ شێل و بێل داوی نایێ
ژێكڤه نابن كۆچه‌ر و بار
سه‌ر و بنێن ڤێ حه‌نه‌كێ
جار ئه‌و زار و جار دبنه مار
٭ ٭ ٭ ٭
