مالا پێشمه‌رگه‌كى ل هێتوتێ دهێته سوتن
ئه‌ڤرۆ نیوز، مه‌حمود نهێلی
ژ ئه‌نجامێ شورته‌كى كاره‌بى ل كومه‌لگه‌ها هێتوتێ یا سه‌ر ب ناحیا دێره‌لۆك ئاگر به‌ردبیته به‌یتوتا مالا پێشمه‌ره‌گه‌یه‌كى ب ناڤێ خه‌لیل هێتوتێ و هه‌ژماره‌كا كه‌رسته‌یێن وێ یێن سه‌ربازى و ناڤ مالیا وى دهێنه سوتن.
جیدارێ ئێكێ ئیحسان سه‌نعان، به‌رپرسێ بنگه‌هێ به‌ره‌ڤانیا باژێرى ل دێره‌لۆك بۆ ئه‌ڤرۆ نیوز دیار كر، كو ئه‌و ئاگر ژ ئه‌نجامێ شورتێ كاره‌بێ چێبوویه، و ژلایێ بنگه‌هێ به‌ره‌ڤانیا باژێرى ڤه هاته كونترولكرن و گۆت: ژ ئه‌نجامێ ڤى ئاگرى هه‌ژماره‌كا كه‌ره‌سته‌یێن سه‌ربازى مینا نارجوك و فیشه‌ك و جلوبه‌رگێن سه‌ربازى، و هه‌ژماره‌كا دى یا كه‌ره‌سته‌یان و هه‌روه‌سا ناڤ مالیا وى هاتیه سوتن كو دبیته بهایێ دورێن 5 ملیون و 400 دیناران).
ناڤهاتى ئاشكراكر، كو ڤه‌دیتن ژ لایێ بنگه‌هێ به‌ره‌ڤانیا باژیرێ یا شێلادزێ بو هاتیه چێكرن ژ به‌ركو پتر نێزیكێ بنگه‌هێ وان بوویه و ئه‌و زووترین ده‌م گه‌هشتینه جهێ روودانێ و نه‌هێلایه ئاگر پتر ته‌شه‌نێ بكه‌ت و خانیێ وى بتمامى نه‌هێته سوتن.
