مالدینی هۆژداری دا یاریزانێن میلان
ئه‌ڤرۆ،
پاولۆ مالینی راهێنه‌رێ ته‌كنیكی یی یانا ئه‌ی سی میلان یا ئیتالی هۆژداری دا هه‌موو یاریزانێن تیما خوه یا ته‌پا پێی ژبۆ ده‌ستدانا خالێن هه‌ردو یاریێن مایی ژ خولا ئیتالیا كالیچیۆ و بیته ئه‌گه‌ر ناسناڤێ خولێ ژی ژ ده‌ست بده‌ن.
مالینی بۆ كه‌نالێ یانا میلان گوت: دو یاری ماینه بۆ بلندكرنا ناسناڤێ خولا ئیتالیا كو ڤه‌رێژا زه‌حمه‌تا وه‌رزه‌كێ مه‌زنه هه‌كه‌ر ئه‌م دروستی سه‌ره‌ده‌ریی ل گه‌ل بكه‌ین و بتنێ چار خال تێرا هه‌نه بۆ ڤێ ئارمانجی، هه‌ردو یاری ب سانه‌هی نابن هه‌مبه‌ری ئه‌تالانتا و ساسۆلۆ، مه 80 خال هه‌نه و هه‌ڤڕكا مه ئه‌نتر 78 خال كۆمكرینه، هه‌ردو یاریێن وێ ل گه‌ل كالیاری و سامپدوریا نه، له‌ورا نابیت یاریزان هزربكه‌ت ناسناڤ ده‌ستڤه ئینایه دڤێت بۆ سه‌ركه‌فتنێ یاریێ بكه‌ن و سڤكاتی وه‌رنه‌گرن، مه هۆژداری دایه هه‌موو یاریزانان دڤێت پێگیربن ب پلانێن راهێنه‌ری بكه‌ن ژبه‌ركو باوه‌ری نینه هه‌تا دووماهیا خولێ.
