مالك ئه‌نور: یاریا مه‌له‌ڤانیا گۆهوڕین د ژیانا من یا وه‌رزشی دا په‌یداكر
ئه‌ڤرۆ، هه‌ولێر، سولین سلێمان.
د دیداره‌كێ دا یاریزانێ یانا ئه‌كاد یا هه‌ولێری و یاریا مه‌له‌ڤانیا دیاركر بڕێیا ڤێ یاریێ گۆهوڕین ئێخستینه د ژیانا وی یا وه‌رزشی دا و چه‌ندین ناسناڤێن قاره‌مانیا ب ده‌ستخوه‌ڤه ئینایه و ته‌ندروستیه‌كا باش دایێ.
زێده‌تر مالك ئه‌نور بۆ رۆژناما ئه‌ڤرۆ گوت: یاریا مه‌له‌ڤانیا حه‌زا من یا زارووكینیێ بوو كو ژ هه‌شت سالی من ده‌ست ب ڤێ یاریێ كریه و پێنگاڤا ئێكێ ل سالا 2008 هاتیمه دناڤ قاره‌مانیا دا، دووڤدا سه‌ر ئاستێ كوردستانێ و ئیراقێ ل سالا 2011 ئێكه‌م پشكداریا من سه‌ر ئاستێ ئیراقێ بۆ درێژاهیا 50كم شیام رێزا پێنجێ ده‌ستخوه‌ڤه بینم وه‌كو ئێك ژ یاریزانێن پێشه‌نگ ل ئیراقێ هاتمه ژێگرتن، هه‌روه‌سان دناڤبه‌را سالێن 2013 و 2014 سه‌ر ئاستێ هه‌رێما كوردستانێ یێ ئێكێ بووم و هه‌تا نوكه ژی به‌رده‌وام راهێنانا دكه‌م لێ مخابن نه‌بوونا چالاكییان ئه‌م ژ قاره‌مانیا دوورخستینه.
ژلایه‌كێ دووڤه ناڤهاتی ئه‌وچه‌نده ژی گوت:یاریا مه‌له‌ڤانیا تایبه‌تمه‌ندیا خوه هه‌یه و بۆ ته‌ندروستیا مروڤی گه‌له‌ك یا باشه كو ئێك ژ وه‌رزشێن پرانیا خه‌له‌كی حه‌ز ژێ دكه‌ن و پێدڤیه‌كا مه‌زن بۆ هه‌یه و بوو ئه‌گه‌ر گوهۆڕینه‌كا مه‌زن بۆ من په‌یداركریه تایبه‌ت لایه‌نێ ته‌ندروستی و نه‌بتنێ وه‌رزشڤان به‌لكو گه‌له‌ك كه‌س هه‌نه تووشی نه‌خووشیێن پشتێ بن دێ بڕێیا مه‌له‌ڤانیا ته‌ندروستیا خوه ڤه‌گه‌ڕێنیت.
