مالک ئەنوەر د چەندین قارەمانییان دا پله‌یێن ئێکی ب ده‌ستڤه ئیناینه
سولین سلێمان
د داخویانیه‌كێ دا مالک ئەنوەر ڕاھێنەر و یاریزانێ یاریا مەلەڤانیان ل یانه‌یا ئاکاد بۆ رۆژناما ئەڤرۆ دیارکر ب شانازی ڤه شیاییه د چەندین قارەمانیان دا پله‌یێن بلند ب دەستڤە ئیناینە.
زێدەتر ناڤھاتی گۆت:مەلەڤانی حەزا من یا زارۆكینیێ بوویه ب پشتەڤانیا برایێ خوە من شیایە پشکداری د گەلەک قارەمانیان دا بکەم کو وی دەمێ ژیێ من تنێ 8 سال بوویە ھەر وی ژی ھاریکاریا من کر کو فێری مەلەڤانیێ ببم، ژلایەکێ دووڤە مالکێ 23 سال بەحسا قارەمانیێن خوە کر گۆت: ئێکەم پشکدارییا من د قارەمانێ دا ل سالا 2008 ل سەر ئاستێ پێشکەفتیان ل مەلەڤانیا 25 مەتری شیام پلا سێیێ ب دەستڤەبینم دووڤدا بوومه یاریزانێ یانه‌یا پێشمەرگە، دگەل ڤێ یانه‌یێ من شیا دەستکەفتێن زۆر باش دەستڤەبینم د قارەمانیێن ل سەر ئاستێ کوردستان وئیرقێ دا.
هه‌روه‌سان مالك ئه‌نوه‌ر گۆت: ل سالا 2011 ئێکەم جار من پشکداری د قارەمانیا یانه‌یێن ئیراقێ دا کر ل مەلەڤانیا 50 مەتری من شیا پلا پێنجی دەستبێخم دیسان ژی ل سالا 2013,2014 ل سەر ئاستێ ھەرێما کوردستانێ پلا ئێکێ بهێم دگەل چەند قارەمانیێن دێ پلێن بلند من ئێناینە، خێزانا من زۆر ھاریکار و پشتەڤانیا من کرینە تایبەت ژی برایێ من کو برێکا وێ شیایمە بگەهمە ڤی ئاستێ نۆکە ئەز تێدا.
پەیاما مالیک بو وان کەسێن حەزا مەلەڤانیێ ھەیە دبێژیت:ھیڤیدارم ھەر کەسەک مەلەڤانیێ نەزانیت بلا خوە فێربکەت چنکی مەلەڤانی ئێکە ژ باشترین وەرزشا ل ھەموو جیھانێ ژ لایێ تەندروستی ڤە گەلەک یا ب مفایە تەندروستیا دلی جێگیر دکەت باش دکەت دیساژی گەلەکا باشە ژبو ئەو کەسێن ئازارا پشتی و چوکا ھەبیت گەلەکێن دیژی چنکی مفایێن مەلەڤانیێ ناھێنە ھژمارتن لەوما دخازم ھەر کەسەک خوە فێرە مەلەڤانیێ بکەت چنکی پەشیمان نابن.
