مالێن ل سهر رووبارێ هشكهرۆ ژ مهترسیا لههیان دێ هێنه پاراستن
دهۆك، لهزگین جوقی:
بهرپرسێ پهیوهندێ و راگههاندنێ ل سهرۆكاتیا باژێرڤانیا دهۆكێ دیار كر، ژ بهر مهترسیا چێبوونا لههیێن بارانێ و ب مهرهما پاراستنا ژیانا وهلاتیێن مالێن وان دكهڤنه نێزیكی رووبارێ هشكهرۆ، دهست ب پاقژكرنا رووباری هاته كرن.
ئیسماعیل مستهفا، بهرپرسێ پهیوهندێ و راگههاندنێ ل سهرۆكاتیا باژێرڤانیا دهۆكێ بۆ رۆژناما ئهڤرۆ خویا كر، وان ب ههماههنگی دگهل رێڤهبهریا سۆلینێن پارێزگهها دهۆكێ دهست ب پاقژكرنا رووبارێ هشكهرۆ كریه و گۆت: “ههموو ئهو جهێن رووباری یێن د دهمێ بارانبارینێ دا ل وهرزێ زڤستانێ و دروستبووونا لههیان مهترسیێ ل سهر ژیانا وهلاتیێن مالێن وان دكهڤنه نێزیكی رووبارێ هشكهرۆ دروست دكهن، دێ هێنه پاقژكرن”.
بهرپرسێ پهیوهندی و راگههاندنێ ل سهرۆكاتیا باژێرڤانیا دهۆكێ ئاشكرا ژی كر كو بهری چهندین سالان دیوارێن پشتهڤان ل سهر رووبارێ هشكهرۆ هاتبوونه دروستكرن، ب تایبهتی ژی ل وان جهێن مالێن وهلاتیان گهلهك نێزیكی رووباری.
ئیسماعیل زێدهتر گۆت: “نوكه ژی ئهم وان جهان پاقژ دكهین یێن بزانین دێ ئاڤ تێ دا كۆم بیت و بیته ئهگهر ئاڤ بچته د ناڤ مالێن خهلكی دا، ههموو كار یێن دهێنه كرن ل زڤستانا ئهڤ ساله ههكه لههی ژی دروست ببن، زیان نهگههیته وهلاتیان”.
