مال

نڤێسین:
عبد الستار ناصر
وەرگێران: عسمەت محەمەد بەدەل

كەس دەرگەهێ مالا وییا دوور نا قوتت، ل وێ دەرێ، ل دووماهییا بەغدایێ، د پەنجەرەیا خوەیا خوناڤ و مژ گرتیرا، ل دووراتییا پێنج مەتران ل دەرگەهێ باخچەیێ هێژ رووت دنێرت، كەس نا ئێت. نە هەڤال و نە كەسوكار ڤی جهێ ژ بیردانكێ هاتییە ژێبرن نزانن، د ئێك دەمیدا دخواند و گوهدارییا رادیۆیێ دكر و تەماشەی تەلەڤزیۆنێ دكر، ژ ژۆرا نڤستنێ بۆ مەتبەخێ بۆ رەفكێن كتێبخانەیێ دهات و دچوو، د هەر پێنگاڤەكا د ناڤ مالا خوەدا
دهاڤێت د پەنجەرەیا وێیا بەرفرەهرا ل دەرگەهێ مالێ دنێری، كەسەك نا ئێت، ل ڤێ پارچەیا ڤەدەرا دنیایێ كەسەك پرسیارا وی نا كت.
پشتی ئێڤارەكا كووڤی و رەزیل و خەیالێن ل گەل زارۆكینییێ و رۆژێن بۆری تێكەل بوویی، تاخێ وییێ كەڤن هاتە بیرێ، ل وی جهێ كو هەڤبەندی وەكی چەقێن دارەكێ تێك دئالزن، دلی ژ خەمێن سالێن ژییێ ب لەز بۆری لێ ددا، نزانت چاوا مینا دلبەرەكا دلرەق ئەو ب جه هێلا.
د پەنجەرەیا خوناڤ و مژ گرتیرا ل دەرگەهی نێری، پاشی ساكۆیێ خوە ل بەر خوە كر و سارما و خوناڤ و مژ شەقاند، دەرگەه قوتا، دەرگەهێ مالا خوە ڤەكر، پاشی – بۆ خوە – ڤەكر و ب ژوور كەفتە مال.
ژێدەر: بقیە لیل، قصص قصیرە جدا، عبد الستار ناصر 1996.

کۆمێنتا تە