ماموستایه‌كى گۆژمه‌كێ پاره‌ى بۆ به‌نكه‌كا دهۆكێ زڤراند
ئه‌ڤرۆ نیوز، نه‌وزاد هلۆرى:
پشتى گۆژمه‌كێ پاره‌ى ژلایێ به‌نكا سێمێل بۆ ئێك ژ قوتابخانێن سنوورێ قه‌زا سێمێلێ چوى، جاره‌كا دى رێڤه‌به‌رێ قوتابخانێ ئه‌و پاره بۆ به‌نكێ زڤراند ڤه.
وه‌لید ئیسماعیل خالد، رێڤه‌به‌رێ قوتابخانا ده‌لیڤه ل سێمێلێ بۆ ئه‌ڤرۆ نیوز گۆت: (ب نوونه‌راتیا ماموستایێن قوتابخانا ده‌لیڤه یا بنه‌ره‌تى من مووچێ وان وه‌رگرت، به‌لێ پشتى مه هژمارتین ده‌ركه‌فت گۆژمێ 637 هزار دینار ب زێده‌هى هاتینه له‌ورا جاره‌كا دى بۆ به‌نكا سێمێلێ مه زڤراندن ڤه). زێده‌تر گۆت: (هه‌موو كه‌س شاشیان دكه‌ن، به‌لێ گرنگ فه‌رمانگه و هه‌موو رێڤه‌به‌رێ ده‌ما ب شاشیه‌كێ د زانن وه‌كو ئه‌ركه‌كێ مرۆڤایه‌تى و نیشتمانى، جاره‌كا دى ئه‌و پارێ ب شاشى هاتى بۆ جهێ وه‌رگرتى بزڤرینن ڤه، ژبه‌ركو مولكێ گشتى یه).
