ماموستایه‌كێ زانكویێ: كورد خوەدان پێگه‌هه‌كێ مه‌زنن ل ده‌ڤه‌رێ
ئه‌ڤرۆ نیوز، بارزان مزووری:
رێنجه‌ر شێخۆ ماموستایێ زانكویێ بسپور دبوارێ دستور یاسای دا بۆ ئه‌ڤرۆ نیوز گۆت: كوردستان وه‌ك ده‌ڤه‌ره‌ك ئیستراتیجی نه بتنێ بۆ ئه‌مریكا یا گرنگه به‌لكۆ بۆ ئیرانێ ژی گرنگیا خۆ یا هه‌ی دا هه‌ردوو لایه‌ن بشێن وێ به‌لانسا ئابوری راگرن هه‌روه‌سا ژی بنگه‌هێ سه‌ره‌كی یێ هه‌رێمێ چ لایه‌نێ جوگرافی بیت یان سیاسی بیت بۆ وان هه‌ردوو ده‌وله‌تا گرنگیا خۆ یا هه‌ی ئه‌مریكا ب دو ناحیان ڤه سه‌حدكه‌ته هه‌رێما كۆردستانێ و گۆت: (ئێك ژوان ڤه‌كۆ بنگه‌هێ وان یێ ستراتیجی یه كۆ ده‌ڤه‌ره‌كه دڤیته سه‌ر سنورێن ئیرانێ و توركیا عێراقێ و سوریا ژلایێ دووێ ڤه كۆ هه‌رێما كوردستانێ ئه‌ڤه چه‌ندین ساله سه‌ربازێن ئه‌مریكا ل ده‌ڤه‌رێن ناڤه‌راست بتنێ ل كوردستانێ دپاراستینه ئه‌و ئه‌منیه‌تا بۆ ئه‌مریكیا هه‌ی ل كوردستانێ ل باشورێ عێراقێ و هه‌ر ده‌وله‌ته‌ك دی نینه بتنێ دناڤا هه‌رێما كوردستانێ دا د پاراستینه به‌رامبه‌ری وێ چه‌ندێ چاوا وان مفا ل هه‌رێما كوردستانێ وه‌رگرتیه هه‌رێما كوردستانێ ژی مفا ژ وان وه‌رگرتیه ژوانا شه‌رێ داعش ده‌مێ داعش هاتیه سه‌ر سنورێن هه‌رێما كوردستانێ ئێكسه‌ر ئه‌مریكا هه‌ڤپه‌یمانه نیڤده‌وله‌تی پێك ئینا به‌رگری ژ هه‌رێما كوردستانێ كر بۆ ناڤ برنا رێكخراوا تیرۆرستی یا داعش له‌وما پێگه‌هێ كوردستانێ یا گرنگه بۆ ئه‌مریكا ژبه‌ركۆ خاله‌كا ستراتیجی ل رۆژهه‌لاتا ناڤین یا بخۆ دناڤ هه‌رێمێ دروست كریه ئه‌م ژی ژبه‌ر وێ چه‌ندێ د پاراستی نه، سیاسه‌تا هه‌رێما كوردستانێ ژی یا شیای جوره بالانسه‌كه‌كێ راگریت دناڤبه‌را ئه‌مریكا و ئیرانێ تاراده‌یه‌كی سه‌ركردایه‌تیا هه‌رێما كوردستانێ یا شیای وێ بالانسێ راگریت).
ناڤهاتی خۆیاكر پشتی تێكچوونا په‌یوه‌ندیێن دناڤبه‌را ئه‌مریكا و ئیرانێ د ده‌ڤه‌رێ دا تایبه‌ت ب بریارا په‌رله‌مانێ عێراقێ لدور ده‌رئێخستنا هێزێن ئه‌مریكا ل عێراقێ كۆ كورد دژی ڤێ بریارێ راوه‌ستیاین بۆ ئه‌مریكا وی ده‌می دیاربۆ كو كوردستان باشترین به‌دیلێ داهاتیه كۆ ره‌وشا هێزێن ئه‌مریكا به‌ره‌ڤ خرابیێ بچیت ل عێراقێ ئه‌مریكا هه‌رێم بخۆ باشترین به‌دیلێ عێراقێ دانایه ژبه‌ر وێ چه‌ندێ ژی یا دیاره ئه‌مریكا ژی چ جارا ل رۆژهه‌لاتا ناڤین ده‌رناكه‌ڤیت وه‌ك ده‌وله‌ته‌كا خوساره‌ت.
ماموستایێ زانکۆیێ دیار ژی کر كۆمبوونا سه‌رۆكێ هه‌رێما كوردستانێ دگه‌ل سه‌رۆكێ ئه‌مریكا ل كوربه‌ندێ داڤۆس ل سویسرا وێ چه‌ندێ دگه‌هینیت ئه‌ڤ جورو دانوستاندنه سه‌رۆكێ ئه‌مریكا دگه‌ل یێ كوردستانێ مانایه‌كه ده‌ته ده‌وله‌تێن ئیرانێ و عێراقێ و توركیا و ده‌وله‌تێن جیران كۆ هه‌رێما كوردستانێ سه‌نگه‌كێ مه‌زن یێ هه‌ی ل ده‌ڤه‌رێ یا دیار ژی بۆ شێوازێ رونشتنا وان بخۆ ژی په‌یامه‌ك بۆ ئیرانێ و لایه‌نێن دی یێن شیعی كو كورد و كوردستانێ خوەدان پێگه‌هه‌كێ مه‌زنن ل ده‌ڤه‌رێ.
