ماموستایێن ئاینیێن موسلمان و مەسیحی ل ئاكرێ پشتەڤانیا خوە بو رێفراندۆمێ راگەهاند
ئەڤرۆ نیوز : رەمەزان هەرنی :
ئەڤرۆ ل ئاڤاهیێ رێڤەبەریا ئەوقاف و کاروبارێن ئاینی ل ئاکرێ ماموستایێن ئاینیێن موسلمان و مەسیحی پشتەڤانیا خوە بو پرۆسەیا ریفراندۆمێ دوپاتکر.
دڤی واریدا سالح محەمەد ته‌یرو به‌پرسێ نڤیسینگه‌ها به‌رپرسێ لقێ نەهێ پارتی بو ئەڤرۆ نیوز گۆت: (دچارچوڤێ سمینارەکێ دا کو ژلایێ رێڤەبەریا ئەوقاف و کاروبارێن ئاینی بو هژمارەک ماموستایێن ئاینیێن موسلمان و مەسیحی هاتبویە رێکخستن و ژلایێ سەباح بەیتوللا ب رێڤەچو ، تێدا هەموو ماموستایێن ئاینیێن موسلمان و مەسیحی ل سنوورێ قەزا ئاکرێ پشتەڤانیا خوە بو پروسەیا ریفراندۆمێ دوپاتکر)
زێدەتر گۆت: (ماموستایێن ئاینی دوپاتر کو ئەو د گۆتارێن خوە دا وەلاتیان پالبدن کو بەر ب سندوقێن دەنگدانێ بچن و دەنگێ بەلێ بو سەرئێخستنا ریفراندومێ بدەن ، ل بال کارگێرێ لقێ ژی ڤە پەسنا ماموستایێن ئاینی و رولێ وان د جڤاکی دا هاتەکرن سەردەمێ شورشێن ئیلون و گۆلانێ هەتا نها)
