ماموستایێن رۆژهەلات دەست ب خوەنیشادانان دکەن
ئەڤرۆ نیوز، هۆشەنگ تاجر:
ل باژێرێ کرمانشان یێ رۆژهەلاتێ کوردستانێ ماموستایان ل دژی مووچێ خوە یێ کێم و رەوشا خراب یا ئابووریێ دەست ب خوەنیشادانان کرن و داخواز ژ حوکمەتێ کرن کو گرنگیەکا زێدە بدەتە کەرتێ پەروەردێ.
محەمەد فەرهادی ماموستایێ کورد بۆ ئەڤرۆ نیوز دیار کر کو رەوشا ئابووری یا ئیرانێ و رۆژهەلاتێ کوردستانێ گەلەکێ خراب بوویە، مووچێ نها یێ ماموستایان تێرا ١٠ رۆژان ژی ناکەت و رەوشا وان خرابە، ژ بەر هندێ ژی دەمەکە ل ئیرانێ ماموستایان ل دژی ڤێ رەوشێ دەست ب خوەنیشادانان کرینە و نها ل رۆژهەلات ژی خوەنیشادانان دەستپێ کرینە و مخابن بەرپرسێن ئیرانێ گوهداریا داخوازیێن وەلاتیان ب گشتی و یێ ماموستایان ب تایبەتی ناکەن.
