مامۆستایه‌كێ زانكۆیا سلێمانیێ:زانكۆیێن كوردستانێ نه‌شیاینه پێدڤیێن بازاری پر بكه‌ن
ئه‌ڤرۆ، عه‌زیز هه‌ورامی”
مامۆستایه‌كێ زانكۆیێ ئاشكراكر كو زانكۆ نه‌شیاینه پێدڤیێن بازری پر بكه‌ن و گه‌له‌ك ئه‌و بازار ژئێك د دوورن ئه‌ڤه ده‌مه‌كی دا دڤێت هه‌فكاری ل گه‌ل ئێك دو هه‌بیت.
د. خالد حه‌یده‌ر، پرۆفیسورێ هاریكار ل زانكۆیا سلێمانیێ بۆ به‌رپه‌رێ په‌روه‌رده و زانكۆ ل رۆژناما ئه‌ڤرۆ گۆت: دجیهانا زانینێ دا هه‌ر ده‌م كار ل سه‌ر وێ چه‌ندێ دهێته‌كرن كو ئه‌و خواندنا دبیته پرۆگرامێ خواندنێ دڤێت نێزیكی بازاری بیت ئانكو پێدڤیێن بازاری بجه بینت كا جڤاك یان ملله‌ت پێدڤی ب چ هه‌یه و هه‌ر پشكه‌كا بهێته خواندن دڤێت نێزیكی بازاری بیت بۆ وێ چه‌ندێ ده‌مێ ئه‌و قوتابی ده‌ر دچیت مفایی ژ ده‌رچوونا خوه وه‌ربگریت و كار بۆ هه‌بیت، پرۆگرامێن خواندنێ نوكه ل كوردستانێ و عیراقێ و پتریا وه‌لاتێن رۆژهه‌لاتا ناڤین ئه‌و پرۆگرامن ئه‌وێن پێشتر كار ل سه‌ر هاتیه‌كرن و ره‌نگه ئه‌و پرۆگرام پێدڤی ب نیبوونێ و چاكسازیێ هه‌بیت و پتریا ده‌رچوویێن پشكێن كولیژا ل زانكۆیان پشتی ده‌رچوونێ كار ب ده‌ست ناكه‌ڤیت، ل دامه‌زرێنه‌رێن حوكمی و كه‌رتێ تایبه‌ت ل زانكۆیێن كوردستانێ وعیراقێ ده‌مێ قوتابی باوه‌رناما زانكۆیێ بده‌ست ڤه دهینت رێژه‌كا مه‌زن ده‌ردچن و هه‌مان ده‌م ده‌مێ ل قوناغا ئاماده‌یی ده‌ردچن هه‌می قوتابیان حه‌زا وه‌رگرتنا زانكۆیێ هه‌یه و پشتی خواندنێ هه‌می قوتابیان كار بده‌ست ناكه‌ڤیت ب وێ باوه‌رنامێ ئه‌وا ب ده‌ست كه‌ڤیت، هه‌ر ده‌م دبێژمه قوتابیێن خوه حوكمه‌تێ سوز نه‌دایه كو پشتی ده‌رچوونا هه‌وه هه‌وه بكار بێخیت و بدامه‌زرینت حوكمه‌ت ده‌لیڤێن خواندنێ بۆ قوتابیان دروست دكه‌ت ب وێ چه‌ندێ كو ره‌وشه‌نبیربن و كارێن باش ب ده‌ست بكه‌ڤن و دڤێت قوتابیی پشتی خواندنا خوه ته‌مام بكه‌ت ئه‌و ب ده‌ستێن خوه بخوه كاره‌كی هه‌لبژێریت، دڤێت قوتابیێن مه وی زانستی فێربن كو پشتی ده‌رچوونێ كاری ل سه‌ر بكه‌ن و پرۆژا ب ده‌ست خوه ڤه بینن و ته‌كنلوژیایه‌كا گه‌لكه پێشكه‌فتی و بزاڤێن دامه‌زراندنا پرۆژێن تایبه‌ت هه‌بیت و گه‌له‌ك قوتابی نوكه مه هه‌نه كار ل سه‌ر پرۆژێن باش دكه‌ن ب خواندنا خوه و ئه‌ڤه ژی وێ چه‌ندێ دگه‌هینت كو هزرێن باش دكاری دا هه‌نه و به‌رامبه‌ر گه‌له‌ك قوتابی هه‌نه ژی به‌رۆڤاژی ڤێ چه‌ندێ و ئه‌ڤه وێ دگه‌هینت كو مفا ژ باوه‌رناما خوه نه‌وه‌رگرتینه و هه‌مان ده‌م ئاستێ فێربوونێ گه‌له‌كێ بهێز بوویه چونكه قوتابیێ زانكۆیێ بوویه و ئه‌ڤ بابه‌ته گه‌له‌ك جاران ل سمینار و كونفرانسان دا هاتیه به‌حسكرن دناڤ زانكۆ و كه‌رتێن تایبه‌ت دا و یسا گه‌له‌ك جاران ونفرانسان دهێنه‌كرن لسه‌ر پێشڤه‌برنا كاره‌كی و گرنگه دوان كونفرانسان دا كومپانی ژی پشكداربن و پتر ده‌لیڤه بۆ ده‌رچوویێن زانكۆیێ و بسپوریان وان دا بهێته ته‌رخانكرن و هه‌می بزاڤ بهێنه‌كرن كو زانكۆ نێزیكی بازاری بیت و كا پێدڤێن خه‌لكی پێ چ هه‌نه و لدووڤ سه‌رده‌مێ نوكه یێ جیهانا ئه‌ڤرۆ تێدا وه‌ك هه‌مان زانكۆیێن جیهانێ پابه‌ندی هونه‌ر و زانستی بن، سالانه ده‌رچوویێن زانكۆیان گه‌له‌ك ب ساناهی كار ب ده‌ست ناكه‌ڤیت و پتریا قوتابیان حه‌ز و ڤیانێن وان ئه‌ووه پشتی ده‌رچوونێ بهێنه‌دامه‌زراندن.
