مامۆستایێن جگاركێش
یا رۆهن و ئاشكرایه پتریا مامۆستایێ مانشێتێ ئهڤێ گۆتارێ خواندى بێ هزركرن و خواندنا ناڤهرۆكێ ئهم شاش هژمارتینه و ژ بلى وان جوره ماموستایان ژى ئهوێن ناڤهروكا گوتارێ خواندێ تاكو مهبهستا رۆن و ئاشكرایا گۆتارێ هاتیه بهرچاڤان و رۆنكرن
ل پتریا وهلاتێن بیانى ب پاشناڤێ مامۆستا گازى ناكهنه مامۆستایان بهلكو پرانیا وان ب (هۆستا) یان ژى (شارهزا) د هژمێرن و ل وهلاتێ مه ژى ئهم ههر ب مامۆستا دزانین لێ پسیار ل ڤێره ئهوه ئهرێ مامۆستایێن مهژى وهك مامۆستایێن وان وهلاتێن بیانى نه؟ ئهرێ ئهو زانین و تێگههشتنا وان مامۆستایان و وان ئهكادیمیا ههى ل ڤێره ژى مامۆستایێن مه خوهدان ههمان زانینن؟ یان ژى ئهرێ مامۆستایێن مه ژى خوهدان وى ههسێ مللهتى نه وهك وان مامۆستایێن بیانى دهما هیڤیا وان ب تنێ سهركهفتنا قوتابى بیت؟
رۆژهكێ سنێله جیرانهكێ مه مێهڤانێ مهبوو و د بهردهوامیا ئاخفتنا خوه دا گوت: ئهم نابینه چو هندى ئهم خوهدان مامۆستایێن بێ وهفا بین من پسیار ژێ كر كیژ مامۆستایێ ته بێ وهفا بوویه ل ل گهل ته و وى سنێلهى گۆت: ئهو مامۆستا بێ وهفانه دهما كار نهكهن ژ پێخهمهت پێشڤهبرنا ئاستێ زانینێ و ئهو مامۆستایێن د ناڤا پۆلا خوه دا دهستان د هاڤێژنه بهریكێ و جگارا خوه ژ پاكیتا خوه یا تۆزگرتى و جگارهكێ ل پێشچاڤێن قوتابیان دكێشن
ههرچهنده د ڤێ گۆتارێ دا گهلهك مامۆستا ههنه د ناڤا تۆرا جڤاكى یا فهیسبووكى دا ل گهل (رۆژهات لوقمان) ى ههڤالن و ئهو دێ ڤێ گۆتارێ دخوینن و دبیت ههست و نهستێن وان ل بهرامبهرى ڤى (رۆژهات)ى بهێنه گوهۆرین و ههستێن وان ب لڤلڤن لێ ئهز قوربانى چاڤێن ههوه بم ئهو چاڤێن د شهڤێن تارى ل بهر رۆناهیا (لهمپێ و چراكا) تژى رۆندك بووین دهما ههوه ب ههمى ههستێن خوه خوه ماندى دكر ژ پێخهمهت ب دووماهئینانا خواندنا خوه و پاشهرۆژا خوه دابین بكهن وهرن ئهز قۆربان وهرن هزرا ڤان سنێلان و ڤان پشكۆژان بكهن چاوا هوون ل پێشچاڤێن وان جگارا خوه دكێشن و ل گهل ب كێشانا جگارێ هوون پاشهرۆژا وان زارۆیان تارى دكهن؟
تۆره نهبن و بلا ههست و نهستێن ههوه بهرامبهرى (رۆژهات)ى نههێنه گوهۆرین لێ تنێ ئهڤ چهنده راستیهكه و یا ئهزێ ههژار دزانم ئهڤ راستیه یا تۆزگرتى بووى و ههر ل هزرا هندهك مامۆستایان نینه كو ئهو ژى رۆژهكێ ئهڤ پشكۆژه بوون و نوكه ئهو بوونه (قورمێ) پشكوژێ !.
